Mission bhagiratha water | అధికారులూ 4 రోజుల‌వుతుంది ప‌ట్టించుకోరా..? వృథాగా పోతున్న మిష‌న్‌భగీర‌థ నీరు

Mission Bhagiratha Water | ఒకవైపు తాగునీటి కోసం ప్రజలు ఇబ్బందులు పడుతుండగా, మరోవైపు విలువైన తాగునీరు రోడ్డుపై వృథాగా ప్రవహిస్తున్నా ఆర్‌డబ్ల్యూఎస్ అధికారులు స్పందించకపోవడంపై కొండాపూర్ గ్రామస్తులు అసంతృప్తి వ్యక్తం చేస్తున్నారు.

Mission bhagiratha water |  చిగురుమామిడి, అక్టోబర్ 28: కాంగ్రెస్ స‌ర్కార్ పాల‌న‌లో అధికారులు నిర్ల‌క్ష్యంతో మిష‌న్ భ‌గీర‌థ నిర్వాహ‌ణ పనుల‌ను గాలికొదిలేస్తున్న ఘ‌ట‌న‌లు రాష్ట్ర‌వ్యాప్తంగా ఎక్క‌డో ఒక చోట వెలుగుచూస్తూనే ఉన్నాయి. చిగురుమామిడి మండలంలోని కొండాపూర్ బస్టాండ్ చౌరస్తా నుంచి గ్రామంలోకి వెళ్లే ప్రధాన రహదారి మధ్యలో మిషన్ భగీరథ పైప్‌లైన్ పగిలిపోవడంతో గత నాలుగు రోజులుగా తాగునీరు వృథాగా పోతున్నా అధికారులు పట్టించుకోవడం లేదని గ్రామస్తులు ఆవేదన వ్యక్తం చేస్తున్నారు.

పైప్‌లైన్ పగిలిపోవడంతో గంగిరెద్దుల కాలనీ, బీసీ కాలనీకి వెళ్లాల్సిన మిషన్ భగీరథ తాగునీరు తక్కువ సరఫరా అవుతోందని సమీప మహిళలు తెలిపారు. ఒకవైపు తాగునీటి కోసం ప్రజలు ఇబ్బందులు పడుతుండగా, మరోవైపు విలువైన తాగునీరు రోడ్డుపై వృథాగా ప్రవహిస్తున్నా ఆర్‌డబ్ల్యూఎస్ అధికారులు స్పందించకపోవడంపై గ్రామస్తులు అసంతృప్తి వ్యక్తం చేస్తున్నారు.

అధికారులు వెంటనే స్పందించి పగిలిన పైప్‌లైన్‌కు మరమ్మతులు చేపట్టి తాగునీరు వృథా కాకుండా చర్యలు తీసుకోవాలని, గంగిరెద్దుల కాలనీకి పూర్తిస్థాయిలో నీటి సరఫరా పునరుద్ధరించాలని గ్రామస్తులు కోరుతున్నారు. కాగా రోడ్డుపై వృధాగా పోతున్న మిషన్ భగీరథ నీటిపై ఆర్డబ్ల్యూఎస్ ఏఈ జలజను వివరణ కోరగా సంబంధిత గ్రిడ్ అధికారులకు సమాచారం ఇవ్వడం జరిగిందని త్వరలోనే సమస్య పరిష్కరిస్తామని తెలిపారు.

Read Also :

Aadarsha Kutumbam | ‘ఆదర్శ కుటుంబం’ టికెట్ బుకింగ్స్ ప్రారంభం.. ఈ శుక్రవారం నుంచే థియేటర్లలో సందడి!

Back Pain Problem | యువ‌త‌ను అధికంగా వేధిస్తున్న న‌డుము నొప్పి స‌మ‌స్య‌.. హెచ్చ‌రిస్తున్న వైద్య నిపుణులు..

Watch: పొలంలో నిద్రిస్తున్న కూలీలపై దాడికి చిరుత యత్నం.. తర్వాత ఏం జరిగిందంటే?