Visit:
Karimnagar | చిగురుమామిడి, ఆగస్టు 18: చిగురుమామిడి మండలంలోని చిన్న ముల్కనూర్ (ఆదర్శ) మోడల్ స్కూల్ విద్యార్థినిలు స్నేహిత కార్యక్రమంలో భాగంగా గుడ్ టచ్ బ్యాడ్ టచ్ రెస్పాండింగ్ ప్రాజెక్టును డాల్ ప్రాజెక్టును అటల్ టింకరింగ్ ల్యాబ్ లో రూపొందించారు. కరీంనగర్‌ కలెక్టర్ పమేలా సత్పతి ముందు ప్రాజెక్టును సోమవారం ప్రదర్శించగా, వారికి కొన్ని మార్పులను సూచిస్తూ మార్గదర్శనం చేశారు.
ప్రాజెక్టులో ముఖ్యంగా వాయిస్ రికార్డింగ్ ద్వారా గుడ్ టచ్ బాడ్ టచ్ కు సంబంధించిన విషయాలన్నిటిని నిక్షిప్తం చేయాలని బ్యాడ్ టచ్ చేసిన వారి వివరాలను నమోదు చేసుకునే విధంగా రూపొందించాలని కలెక్టర్ సూచించారు. పాఠశాలల్లోని బాలురందరూ గుడ్ టచ్ బ్యాడ్ టచ్ పట్ల అవగాహన కలిగి ఉండేలా కార్యక్రమాలు చేపట్టాలని సూచించారు. ఈ ప్రాజెక్టు రూపొందించిన వైష్ణవి, అనుశ్రీ, గైడ్ టీచర్లు కొండల్ రెడ్డి పీజీటీ, ముక్తి ప్రసాద్ పీజీటీ, ఆదర్శ పాఠశాల ప్రిన్సిపల్ హార్జీత్ కౌర్ ను కలెక్టర్ అభినందించారు.
