Road Accident | స్కూటీని తప్పించబోయి చెట్టును ఢీ కొట్టిన కారు..ఆరుగురికి గాయాలు

Road Accident | పెద్దపల్లి మండలం రాంపల్లి గ్రామ సమీపంలో జరిగిన రోడ్డు ప్రమాదం లో ఆరుగురికి గాయాలయ్యాయి.

పెద్దపల్లి రూరల్ : పెద్దపల్లి మండలం రాంపల్లి గ్రామ సమీపంలో జరిగిన రోడ్డు ప్రమాదం ( Road Accident ) లో ఆరుగురికి గాయాలయ్యాయి.జమ్మికుంట నుంచి పెద్దపల్లి వైపు వస్తున్న కారు ( Car ) ఎదురుగా వస్తున్న స్కూటీ ( Scooty ) ని తప్పించబోయి రాంపల్లి శివారులో అదుపు తప్పి చెట్టును ఢీకొట్టింది. ఈ ఘటనలో పెనుప్రమాదం తప్పినప్పటికీ ఆరుగురికి గాయాలు కాగా 108 ద్వారా పెద్దపల్లి దవాఖానకు తరలించారు.

జమ్మికుంటలో జరిగిన ఓ ఫంక్షన్‌కు హాజరై తిరిగి వస్తున్న ఓ కుటుంబం అదుపుతప్పి చెట్టును ఢీకొట్టింది. ఈ ప్రమాదంలో కారులో ప్రయాణిస్తున్న ముగ్గురు పురుషులు, ఇద్దరు మహిళలు, ఓ చిన్నారికి గాయాలయ్యాయి. క్షతగాత్రులను హుటాహుటిన 108 అంబులెన్స్ ద్వారా పెద్దపల్లి ప్రభుత్వ ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు.