సంక్షేమంలో మన రాష్ట్రం ఆదర్శం

సీఎం కేసీఆర్‌ విజన్‌ గొప్ప నాయకుడని, సంక్షేమ పథకాల అమలు, అభివృద్ధి పనుల్లో తెలంగాణ దేశానికే ఆదర్శంగా నిలిపారని గొర్రెలు, మేకల పెంపకందారుల కార్పొరేషన్‌ చైర్మన్‌ దూదిమెట్ల బాలరాజు యాదవ్‌ కొనియాడారు. ఓదెల మండలం కొలనూర్‌లో సబ్సిడీ గొర్రెల పథకం కింద రెండో విడత యూనిట్‌ పొందిన బావు రాములు యాదవ్‌ ఇంటికి మంగళవారం ఆకస్మికంగా వచ్చారు.

• కేసీఆర్‌ విజన్‌ ఉన్న నాయకుడు
• కులవృత్తుల వారి జీవితాల్లో వెలుగులు నింపాడు
• గొర్రెలు, మేకల పెంపకందారుల కార్పొరేషన్‌ చైర్మన్‌ దూదిమెట్ల బాలరాజు
• కొలనూర్‌లో గొర్రెల లబ్ధిదారుడి ఇంటికి ఆకస్మికంగా రాక

ఓదెల, సెప్టెంబర్‌ 19: సీఎం కేసీఆర్‌ విజన్‌ గొప్ప నాయకుడని, సంక్షేమ పథకాల అమలు, అభివృద్ధి పనుల్లో తెలంగాణ దేశానికే ఆదర్శంగా నిలిపారని గొర్రెలు, మేకల పెంపకందారుల కార్పొరేషన్‌ చైర్మన్‌ దూదిమెట్ల బాలరాజు యాదవ్‌ కొనియాడారు. ఓదెల మండలం కొలనూర్‌లో సబ్సిడీ గొర్రెల పథకం కింద రెండో విడత యూనిట్‌ పొందిన బావు రాములు యాదవ్‌ ఇంటికి మంగళవారం ఆకస్మికంగా వచ్చారు. గొర్రెలు ఎలా ఉన్నాయి..? గొర్రెల పథకంపై లబ్ధిదారుల అభిప్రాయం ఎలా ఉంది..? అనే అంశాలను అడిగి తెలుసుకున్నారు. ఈ సందర్భంగా లబ్ధిదారుడు రాములు యాదవ్‌ మాట్లాడుతూ.. గొర్రెల పంపిణీ పేద యాదవులకు బతుకును నిలబెట్టిందని, చాలా గొప్ప పథకమని, సీఎం కేసీఆర్‌ వచ్చినంక భరోసా దొరికిందని చెప్పాడు. ‘జై కేసీఆర్‌’ అంటూ నినదించారు. ఈ సందర్భంగా లబ్ధిదారుడు తన ఇంట్లో చైర్మన్‌తో పాటు యాదవ సంఘ నాయకులకు భోజనం పెట్టి అతిథ్యమిచ్చాడు. లబ్ధిదారుడి ముఖంలో సంతోషాన్ని చూస్తే ఆనందంగా ఉందని బాలరాజు పేర్కొన్నారు.

కులవృత్తులకు అండగా ప్రభుత్వం: బాలరాజు
సీఎం కేసీఆర్‌ ఉద్యమ నాయకుడిగా సుదీర్ఘ పోరాటం చేసి తెలంగాణ రాష్టాన్ని తేవడమేకాదు అనేక సంక్షేమ పథకాలు అమలు చేస్తూ నిరుపేదలకు అండగా నిలుస్తున్నారని తీసుకువచ్చారని గొర్రెలు, మేకల పెంపకందారుల కార్పొరేషన్‌ చైర్మన్‌ దూదిమెట్ల బాలరాజు పేర్కొన్నారు. ముఖ్యంగా ఆదరణ కోల్పోతున్న కుల వృత్తిదారులు ఆర్థికంగా నిలదొక్కుకోవడానికి కృషి చేస్తున్న ఏకైక రాష్ట్రం తెలంగాణగా ఉద్ఘాటించారు. బీసీ, దళిత బంధు, కల్యాణ లక్ష్మి, గృహలక్ష్మి, మ హిళల ఆరోగ్యం ఇలా.. చెప్పుకుంటూపోతే అనేక పథకాలు ఇక్కడ అమలు చేస్తున్నట్లు వివరించారు. వచ్చే ఎన్నికల్లో మళ్లీ కేసీఆర్‌ను సీఎం చేసుకోవడం మనందరి బాధ్యత అన్నారు. కొలనూర్‌కు వచ్చిన చైర్మన్‌ను పశువైద్యాధికారులు మౌనిక, కుమారస్వామి పుష్పగుచ్ఛం ఇచ్చి స్వాగతం పలికారు. ఆయన వెంట యాదవ సంఘ నాయకులు తమ్మడబోయిన ఓదెలుయాదవ్‌, పెగడ రమేశ్‌యాదవ్‌, మేకల మల్లేశంయాదవ్‌, దారబోయిన నర్సింహయాదవ్‌, ఉపసర్పంచ్‌ పాకాల సంపత్‌రెడ్డి, కూకట్ల నవీన్‌యాదవ్‌, కాశవేని నరేష్‌యాదవ్‌, జిల్లా పశువైద్యాధికారి రవీందర్‌రెడ్డి, కొలనూర్‌, ఓదెల పశువైద్యాధికారులు మౌనిక, కుమారస్వామి తదితరులు పాల్గొన్నారు.

కేసీఆర్‌ ఇచ్చిన గొర్రెలతోనే బతుకు సాగుతుంది..
సీఎం కేసీఆర్‌ ఇచ్చిన గొర్రెలతోనే నా కుటుం బం బతుకుతుంది. మాది పేద కుటుంబం. ఎలాంటి ఆస్తిపాస్తుల్లేవు. గతంలో నేను జీతానికి ఉండి బతికిన. చాలా ఇబ్బందులుపడ్డ. ఎన్నో ప్రభుత్వాలు వచ్చినయి కానీ మమ్ముల ఎవలూ ఆదుకోలె. కానీ గిప్పుడు కేసీఆర్‌ సార్‌ దయతో మళ్లీ సొంతంగా గొర్రెలు పెంచుకుంటున్న. సార్‌కు రెండు చేతులు ఎత్తి మొక్కుతున్న.

– బావు రాములు యాదవ్‌, లబ్ధిదారుడు, కొలనూర్‌ (ఓదెల)