AITUC Support | బ్యాంకు ఉద్యోగుల సమ్మెకు ఏఐటీయూసీ సంపూర్ణ మద్దతు

AITUC Support | బ్యాంకు ఉద్యోగుల దేశవ్యాప్త సమ్మెకు ఏఐటీయూసీ సంపూర్ణ మద్దతు ప్రకటిస్తుందని ఆ సంఘం జిల్లా ప్రధాన కార్యదర్శి ముక్రమ్ తెలిపారు.

జగిత్యాల : బ్యాంకు ఉద్యోగుల దేశవ్యాప్త సమ్మెకు ( Bank Employees Strike ) ఏఐటీయూసీ సంపూర్ణ మద్దతు ( AITUC Support ) ప్రకటిస్తుందని ఆ సంఘం జిల్లా ప్రధాన కార్యదర్శి ముక్రమ్ ( Mukram ) తెలిపారు. బ్యాంకు ఉద్యోగులు తమ న్యాయమైన డిమాండ్ల సాధనకు ఈనెల 28, 29, 30లల్లో చేపట్టనున్న దేశవ్యాప్త సమ్మెకు మద్దతిస్తున్నట్లు ఆదివారం నిర్వహించిన మీడియా సమావేశంలో వెల్లడించారు.

బ్యాంకు ఉద్యోగులు చాలాకాలంగా వారానికి ఐదు రోజుల పని విధానాన్ని అమలు చేయాలని డిమాండ్ చేస్తున్నారని గుర్తుచేశారు. ప్రస్తుత బ్యాంకింగ్ రంగంలో పని గంటలు విపరీతంగా పెరగడం, మితిమీరిన పనిభారం, నిరంతర లక్ష్యాల ఒత్తిడి (Targets) కారణంగా ఉద్యోగులు తీవ్ర మానసిక ఆందోళనకు గురవుతున్నారని ఆవేదన వ్యక్తం చేశారు.

ఉద్యోగుల ఆరోగ్యం, కుటుంబ జీవితం, వర్క్-లైఫ్ బ్యాలెన్స్‌ను దృష్టిలో పెట్టుకుని కేంద్ర ప్రభుత్వం ఐదు రోజుల పని విధానాన్ని ఎటువంటి ఆలస్యం లేకుండా వెంటనే జీవో రూపంలో అమలు చేయాలని డిమాండ్ చేశారు. ఈ సమావేశంలో ఏఐటీయూసీ జిల్లా అధ్యక్షుడు ఎసమేని గణేష్ ,సుతారి రాములు, వెన్న మహేష్, ఉస్మాన్, కిరణ్, సాయిశ్వరి, సతీష్,శారదా తోపాటు తదితరులు పాల్గొన్నారు.