monkey | వానర మాతృ ప్రేమ..!

తల్లి ప్రేమకు హద్దులు లేవని, అది మనుషులకే కాదు మూగజీవాలకూ ఒకేలా ఉంటుందని గుర్తు చేసే హృదయ విదారక ఘటన రాజన్న సిరిసిల్ల జిల్లాలో చోటుచేసుకుంది. తంగళ్లపల్లి మండలం గండిలచ్చపేట వద్ద జరిగిన రోడ్డు ప్రమాదంలో ఓ తల్లి కోతి ప్రాణాలు కోల్పోయింది.

monkey | తంగళ్లపల్లి/సిరిసిల్ల : తల్లి ప్రేమకు హద్దులు లేవని, అది మనుషులకే కాదు మూగజీవాలకూ ఒకేలా ఉంటుందని గుర్తు చేసే హృదయ విదారక ఘటన రాజన్న సిరిసిల్ల జిల్లాలో చోటుచేసుకుంది. తంగళ్లపల్లి మండలం గండిలచ్చపేట వద్ద జరిగిన రోడ్డు ప్రమాదంలో ఓ తల్లి కోతి ప్రాణాలు కోల్పోయింది. అయితే తన తల్లి మరణించిందనే విషయం తెలియని పసి కోతి మాత్రం ఆమె శరీరాన్ని గట్టిగా హత్తుకుని ఒడిలోనే నిద్రపోయిన దృశ్యం అక్కడున్న ప్రతీ ఒక్కరినీ కంటతడి పెట్టించింది.

తల్లి ఒడిలోనే తనకు రక్షణ ఉందన్న అమాయక నమ్మకంతో ఉన్న ఆ చిన్నారి కోతి దృశ్యం మానవత్వాన్ని తట్టి లేపింది. ఈ ఘటనను చూసిన స్థానికులు తల్లి-బిడ్డల బంధానికి ఇదే నిదర్శనమంటూ భావోద్వేగానికి గురయ్యారు. ప్రస్తుతం ఈ హృదయాన్ని కదిలించే దృశ్యాలు సోషల్ మీడియాలో వైరల్‌గా మారి, వేలాది మంది నెటిజన్లను భావోద్వేగానికి గురిచేస్తున్నాయి.