వాషింగ్టన్: లాక్హీడ్ మార్టిన్ కంపెనీ తయారు చేసిన హైపర్సోనిక్ మిస్సైల్ను అమెరికా పరీక్షించింది. హైపర్సోనిక్ ఎయిర్ బ్రీతింగ్ వెపన్ కాన్సెప్ట్(హెచ్ఏడబ్ల్యూసీ) ప్రోగ్రామ్లో భాగంగా ఈ పరీక్ష జరిగింది. అయితే రష్యాను రెచ్చగొట్టవద్దు అన్న ఉద్దేశంతో బైడెన్ సర్కార్ ఆ పరీక్షను రహస్యంగా చేపట్టినట్లు తెలుస్తోంది. పశ్చిమ తీరంలో బీ-52 బాంబర్ నుంచి స్క్రామ్జెట్ మిస్సైల్ను పరీక్షించారు. సుమారు 65 వేల అడుగుల ఎత్తులో ఆ క్షిపణి ట్రావెల్ చేసింది. దాదాపు 480 కిలోమీటర్ల దూరం ప్రయాణించినట్లు భావిస్తున్నారు. అయితే ఎంత స్పీడ్తో ఆ ప్రొజెక్టైల్ వెళ్లిందో చెప్పలేదు. కనీసం మాక్-5 స్థాయిలో, అంటే ధ్వని వేగం కన్నా అయిదు రెట్ల అధిక వేగంతో ఆ క్షిపణి ప్రయాణించి ఉంటుందని భావిస్తున్నారు. మార్చి నెలలో ఈ పరీక్ష జరిగినట్లు అనుమానిస్తున్నారు. ఉక్రెయిన్ సంక్షోభం వల్ల ఐసీబీఎం పరీక్షలను కూడా అమెరికా రద్దు చేసినట్లు తెలుస్తోంది. రష్యా వద్ద కింజాల్, సిర్కాన్ హైపర్ సోనిక్ మిస్సైళ్లు ఉన్న విషయం తెలిసిందే. కానీ హైపర్ సోనిక్ వెపన్స్ విషయంలో రష్యా, చైనా కన్నా అమెరికా వెనుకబడి ఉంది.