అమెరికాలో మళ్లీ కాల్పుల మోత

అమెరికాలో మరోసారి కాల్పుల ఘటన చోటుచేసుకుంది. టెన్నెసీ రాష్ట్రంలో నాష్‌విల్లేలోని కోవెనాంట్‌ అనే ప్రైవేటు పాఠశాలలో ఓ గుర్తు తెలియని యువతి కాల్పులకు తెగబడింది.

• ముగ్గురు పిల్లలతో సహా ఆరుగురు మృతి

వాషింగ్టన్‌: అమెరికాలో మరోసారి కాల్పుల ఘటన చోటుచేసుకుంది. టెన్నెసీ రాష్ట్రంలో నాష్‌విల్లేలోని కోవెనాంట్‌ అనే ప్రైవేటు పాఠశాలలో ఓ గుర్తు తెలియని యువతి కాల్పులకు తెగబడింది.

సోమవారం ఉదయం చోటుచేసుకున్న ఈ ఘటనలో ముగ్గురు చిన్నారులతో సహా మొత్తం ఆరుగురు చనిపోయారని పాఠశాల యాజమాన్యం ట్విట్టర్‌లో పేర్కొంది. పోలీసులు జరిపిన కాల్పుల్లో నిందితురాలు మృతిచెందింది.