Bush Crash: పెళ్లి బృందంతో వెళ్తున్న బ‌స్సు బోల్తా.. ప్ర‌మాదంలో 10 మంది మృతి

Bush Crash: ఆస్ట్రేలియాలో ఘోరం జ‌రిగింది. వెడ్డింగ్‌కు వెళ్తున్న ఓ బ‌స్సు ప్ర‌మాదానికి గురైంది. ఆ ప్ర‌మాదంలో 10 మంది ప్ర‌యాణికులు మ‌ర‌ణించారు. ఈ ఘ‌ట‌న హంట‌ర్ వ్యాలీలో జ‌రిగింది.

సిడ్నీ: ఆస్ట్రేలియాలో పెళ్లి బృందం వెళ్తున్న బ‌స్సు బోల్తా(Bush Crash) ప‌డింది. ఆ ప్ర‌మాదంలో 10 మంది మృతిచెందారు. మ‌రో 25 మంది గాయ‌ప‌డ్డారు. ఈ ఘ‌ట‌న న్యూ సౌత్ వేల్స్‌లోని హంట‌ర్ వ్యాలీలో జ‌రిగింది. వైన్ టూరిస్టుల‌కు ఈ ప్రాంతం చాలా ఫేమ‌స్‌. వెడ్డింగ్‌కు వెళ్లి తిరిగివ‌స్తున్న స‌మ‌యంలో బ‌స్సు బోల్తా కొట్టింది. ఆ బ‌స్సు డ్రైవ‌ర్‌పై కేసు న‌మోదు చేశారు. ప్ర‌మాదంలో మృతిచెందిన వారిని గుర్తిస్తున్నామ‌ని పోలీసులు తెలిపారు. అయితే కొత్త‌గా పెళ్లిన జంట మాత్రం ఆ బస్సులో లేన‌ట్లు తెలిసింది. రాత్రి 23.30 నిమిషాల స‌మ‌యంలో ప్ర‌మాదం జ‌రిగింది. ఆ స‌మ‌యంలో అక్క‌డ భారీగా మంచు క‌మ్ముకున్న‌ట్లు తెలుస్తోంది. సింగ‌ల్టన్ వైపు అతిథులు వెళ్తున్న‌ట్లు పోలీసులు వెల్ల‌డించారు. ప్రాణాలు కోల్పోయిన వారి ప‌ట్ల ఆసీస్ ప్ర‌ధాని ఆంథోనీ ఆల్బ‌నీస్ సంతాపం తెలిపారు.