డిజిటల్ కల్లోలం.. శత్రువులు అవసరం లేదు.. సాంకేతిక లోపాలు చాలు
శత్రుదేశం సైబర్ దాడి చేయాల్సిన అవసరం లేదు.. ఒక్క సాంకేతిక లోపం చాలు.. ప్రపంచాన్ని అస్తవ్యస్తం చేయడానికి. అమెరికాలో గత కొద్ది రోజులుగా వరుసగా చోటుచేసుకున్న సాంకేతిక అంతరాయాలు డిజిటల్ వ్యవస్థలపై ఆధారపడుతున్న ఆధునిక సమాజంలోని బలహీనతలను బయటపెట్టాయి.
- అమెరికాలో బయటపడిన డిజిటల్ వ్యవస్థల బలహీనత
- మైక్రోసాఫ్ట్, యాపిల్, బ్యాంకులు, విమాన సేవలకు ఆటంకం
- సైబర్ దాడుల ఆధారాల్లేవన్న అమెరికా విదేశాంగ మంత్రి
- యూరప్లో సైబర్ దాడులతో పాడైన ఆహార పదార్థాలు
వాషింగ్టన్, నవంబరు 18 : శత్రుదేశం సైబర్ దాడి చేయాల్సిన అవసరం లేదు.. ఒక్క సాంకేతిక లోపం చాలు.. ప్రపంచాన్ని అస్తవ్యస్తం చేయడానికి. అమెరికాలో గత కొద్ది రోజులుగా వరుసగా చోటుచేసుకున్న సాంకేతిక అంతరాయాలు డిజిటల్ వ్యవస్థలపై ఆధారపడుతున్న ఆధునిక సమాజంలోని బలహీనతలను బయటపెట్టాయి. విమాన రాకపోకలు, బ్యాంకింగ్ సేవలు, మైక్రోసాఫ్ట్ వేదికలు, యాపిల్ సేవలు, ప్రభుత్వ సమాచార వ్యవస్థలు ఒక్కొక్కటిగా నిలిచిపోవడంతో ప్రజలు ఇబ్బందులు ఎదుర్కొన్నారు. అయితే ఈ ఘటనలన్నింటి వెనుక సమన్వయంతో కూడిన సైబర్ దాడి ఉన్నట్టు ఎలాంటి ఆధారాలు లేవని అమెరికా విదేశాంగ మంత్రి మార్కో రూబియో స్పష్టంచేశారు. మైక్రోసాఫ్ట్ సేవల్లో తలెత్తిన సమస్యకు, ఫెడరల్ ఏవియేషన్ అడ్మినిస్ట్రేషన్ (ఎఫ్ఏఏ) వ్యవస్థలో వచ్చిన లోపానికి సంబంధం లేదని, బ్యాంకుల్లో సమస్యలు కూడా వేరని ఆయన తెలిపారు. ఇవన్నీ విడివిడిగా చోటుచేసుకున్న సాంకేతిక సమస్యలేనని చెప్పారు.
ఈ అంతరాయాలకు అమెరికాలోని పాత సాంకేతిక మౌలిక సదుపాయాలు ఒక కారణమై ఉండవచ్చని అధికారులు అభిప్రాయపడుతున్నారు. పాత కంప్యూటర్ వ్యవస్థలకు కొత్త సాంకేతికతను జోడించే క్రమంలో సమస్యలు తలెత్తుతున్నాయని హోమ్ల్యాండ్ సెక్యూరిటీ మంత్రి మార్క్వేన్ ముల్లిన్ పేర్కొన్నారు. మరిన్ని వ్యవస్థలను ఆధునికీకరించే సమయంలో ఇలాంటి అంతరాయాలు ఎదురయ్యే అవకాశం ఉన్నదని హెచ్చరించారు. ప్రస్తుతం బ్యాంకులు, విమానయాన సంస్థలు, ప్రభుత్వ విభాగాలు, వ్యాపార సంస్థలు ఒకదానితో మరొకటి అనుసంధానమైన డిజిటల్ సేవలపై ఆధారపడుతున్నాయి. బ్యాంకులు బయటి సాంకేతిక సేవల సంస్థలను వినియోగిస్తాయి. విమానయాన సంస్థలు షెడ్యూలింగ్, ప్రయాణికుల నిర్వహణకు డిజిటల్ వ్యవస్థలపై ఆధారపడుతాయి. ప్రభుత్వ కార్యాలయాలు కూడా ఉమ్మడి కమ్యూనికేషన్ వేదికలను ఉపయోగిస్తాయి. దీంతో ఒక సంస్థలో తలెత్తిన సమస్య ఇతర సంస్థల సేవలపైనా ప్రభావం చూపుతున్నది. మైక్రోసాఫ్ట్ సేవలు నిలిచిపోవడంతో ప్రపంచవ్యాప్తంగా వ్యాపార, ప్రభుత్వ కార్యకలాపాలు ప్రభావితమయ్యాయి.
ఏఐతో కొత్త సవాళ్లు
కృత్రిమ మేధ (ఏఐ) అభివృద్ధి కూడా ఈ పరిస్థితిని మరింత సంక్లిష్టం చేస్తున్నది. సాఫ్ట్వేర్లోని భద్రతా లోపాలను ఏఐ సాధనాలు వేగంగా గుర్తించగలుగుతున్నాయి. దీంతో కంపెనీలు, ప్రభుత్వ సంస్థలు వాటిని సరిచేసేందుకు సాఫ్ట్వేర్ ప్యాచ్లు, అప్డేట్లను త్వరితగతిన అమలు చేయాల్సి వస్తున్నది. అయితే తగిన పరీక్షలు లేకుండా అప్డేట్లను అమలు చేస్తే కొత్త సమస్యలు తలెత్తే ప్రమాదం ఉన్నది. ఏఐ కారణంగానే తాజా అంతరాయాలు చోటుచేసుకున్నాయని చెప్పడానికి ఆధారాలు లేవు. కానీ సాంకేతిక మార్పుల వేగానికి అనుగుణంగా వాటిని పరీక్షించి, సురక్షితంగా అమలు చేసే సామర్థ్యం అన్ని సంస్థల్లో లేదన్న ఆందోళనలు వ్యక్తమవుతున్నాయి.
మరోవైపు యూరప్లో కొన్ని సూపర్ మార్కెట్ల శీతలీకరణ వ్యవస్థలపై సైబర్ దాడులు జరిగాయి. బెల్జియం, లక్సెంబర్గ్, స్వీడన్, ఐర్లాండ్లోని దుకాణాల్లో ఫ్రీజర్ల ఉష్ణోగ్రతలు పెరుగడంతో నిల్వ ఉంచిన ఆహార పదార్థాలను పారేయాల్సి వచ్చింది. ఫ్రాన్స్లో అక్టోబరులో జరిగిన మరో దాడిలో వందలాది సూపర్ మార్కెట్ల శీతలీకరణ వ్యవస్థలను లక్ష్యంగా చేసుకున్నట్టు నివేదికలు తెలిపాయి. ఇవి అమెరికాలో చోటుచేసుకున్న సాంకేతిక లోపాల మాదిరి ప్రమాదవశాత్తూ జరిగిన ఘటనలు కావు. ఉద్దేశపూర్వక సైబర్ దాడులుగా పేర్కొంటున్నారు. అయినప్పటికీ ఆహార సరఫరా వంటి కీలక రంగాలు కూడా డిజిటల్ నియంత్రణ వ్యవస్థలపై ఎంతగా ఆధారపడుతున్నాయో ఈ ఘటనలు తెలియజేస్తున్నాయి.
Read Today's Latest International News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

