T-shirt | గిన్నిస్‌ రికార్డు.. 5 లక్షల ప్లాస్టిక్‌ బాటిళ్లతో రగ్బీ పిచ్‌ అంత భారీ టీ షర్ట్‌

ఐదు లక్ష ప్లాస్టిక్‌ బాటిళ్లతో తయారుచేసిన రగ్బీ పిచ్‌ అంత భారీ టీ షర్ట్‌ గిన్నిస్‌ రికార్డును బద్దలుకొట్టింది. ఈ ఆవిష్కరణకు రొమేనియా వేదికైంది.

బుకారెస్ట్‌, మే 25: ఐదు లక్ష ప్లాస్టిక్‌ బాటిళ్లతో తయారుచేసిన రగ్బీ పిచ్‌ అంత భారీ టీ షర్ట్‌ గిన్నిస్‌ రికార్డును బద్దలుకొట్టింది. ఈ ఆవిష్కరణకు రొమేనియా వేదికైంది. రీసైక్లింగ్‌ను ప్రోత్సహించేందుకుగానూ ఈ టీ షర్ట్‌ను అసోసియేటియా 11ఇవెన్‌, కాఫ్‌లాండ్‌ రొమేనియా, ఫెడరేషియా రొమానా సంస్థలు సంయుక్తంగా రూపొందించాయి.

టీ షర్ట్‌పై రొమేనియా రగ్బీ టీం జెర్సీపై ఉండే జాతీయ జెండాను ముద్రించారు. గిన్నిస్‌ వరల్డ్‌ రికార్డ్‌ ప్రకారం.. ఈ టీ షర్ట్‌ 108.96 సెంటీమీటర్ల పొడవు, 73.48 మీటర్ల వెడల్పు ఉంది. ఈ టీ షర్ట్‌కు అవసరమైన ప్లాస్టిక్‌ను సేకరించేందుకు మూడు వారాలు పట్టింది. టీ షర్ట్‌ను కుట్టేందుకు నెలపాటు శ్రమించారు. అనంతరం దీన్ని విడగొట్టి పదివేల మందికి టీ షర్టులు కుట్టించారు.