విద్యార్థుల ఆందోళనతో అట్టుడికిన ఫ్రాన్స్‌

విద్యార్థుల ఆందోళనలతో ఫ్రాన్స్‌ మరోసారి అట్టుడికింది. విద్యావ్యవస్థలో సంస్కరణలు తేవాలని, పాఠశాలల్లో మౌలిక సదుపాయాలు కల్పించాలని, ఉపాధ్యాయులను నియమించాలని డిమాండ్‌ చేస్తూ గత కొన్ని రోజులుగా విద్యార్థులు చేస్తున్న ఆందోళన విధ్వంసానికి దారితీసింది.

పారిస్‌: విద్యార్థుల ఆందోళనలతో ఫ్రాన్స్‌ మరోసారి అట్టుడికింది. విద్యావ్యవస్థలో సంస్కరణలు తేవాలని, పాఠశాలల్లో మౌలిక సదుపాయాలు కల్పించాలని, ఉపాధ్యాయులను నియమించాలని డిమాండ్‌ చేస్తూ గత కొన్ని రోజులుగా విద్యార్థులు చేస్తున్న ఆందోళన విధ్వంసానికి దారితీసింది. పారిస్‌లో ఒక కారు, దుకాణానికి నిప్పంటించారు. హుడీలు, మాస్క్‌లు ధరించి పోలీసులపై బాణసంచా, ఇతర వస్తువులను విసురుతున్న ఆందోళనకారులను చెదరగొట్టడానికి పోలీసులు టియర్‌ గ్యాస్‌, జల గోళాలను ప్రయోగించారు. దేశంలోని పలు ప్రధాన నగరాల్లో కూడా పెరుగుతున్న జీవన వ్యయాలకు నిరసనగా, విద్యార్థుల ఆందోళనకు మద్దతుగా పౌరులు నిరసన ప్రదర్శనలు నిర్వహించారు.