నాగాలాండ్‌లో కల్తీ మద్యం కలకలం.. 19 మంది మృతి

నాగాలాండ్‌లో మరో ఘోరం చోటుచేసుకుంది. మొకోక్‌చుంగ్‌ జిల్లాలో కల్తీ మద్యం సేవించిన 8 మంది మృతి చెందినట్లు పోలీసులు తెలిపారు. టుయోన్‌సాంగ్‌ జిల్లాలో కల్తీ మద్యం తాగి 11 మంది ప్రాణాలు కోల్పోయారు.

మొకోక్‌చుంగ్‌: నాగాలాండ్‌లో మరో ఘోరం చోటుచేసుకుంది. మొకోక్‌చుంగ్‌ జిల్లాలో కల్తీ మద్యం సేవించిన 8 మంది మృతి చెందినట్లు పోలీసులు తెలిపారు. టుయోన్‌సాంగ్‌ జిల్లాలో కల్తీ మద్యం తాగి 11 మంది ప్రాణాలు కోల్పోయారు. రెండు జిల్లాల్లోనూ గత రెండు రోజుల వ్యవధిలోనే మొత్తం 19 మరణాలు చోటుచేసుకున్నాయి.

ఈ ఘటనపై దర్యాప్తునకు పోలీస్‌ అడిషనల్‌ సూపరింటెండెంట్‌ బుంగ్‌లాంగ్‌ చాంగ్‌ నేతృత్వంలో ప్రత్యేక దర్యాప్తు బృందాన్ని(సిట్‌) ఏర్పాటు చేశారు. ఈ కల్తీ మద్యం ఎక్కడి నుంచి వచ్చిందనే దానిపై కొన్ని ఆధారాలు లభించాయని సీనియర్‌ ఎస్పీ వెసుప్రా కేజో తెలిపారు. మరణాలకు కారణాలను నిర్ధారించేందుకు మద్యం నమూనాలను గౌహతికి పంపించారు. పలు ప్రాంతాల్లో 3 వేల మద్యం బాటిళ్లను స్వాధీనం చేసుకున్నారు.