Sikh Taxi Driver | భార‌త ట్యాక్సీ డ్రైవ‌ర్ నిజాయితీ : కారులో దొరికిన రూ.4.5 ల‌క్ష‌ల‌ను తిరిగిచ్చేశాడు

ఆస్ట్రేలియాలో ఓ సిక్కు ట్యాక్సీ డ్రైవ‌ర్ (Sikh Taxi Driver) నిజాయితీపై ప‌లువురు ప్ర‌శంస‌లు గుప్పించారు. త‌న ట్యాక్సీ వెనుక సీటులో ఓ ప్ర‌యాణీకుడు వ‌దిలివేసిన 8000 ఆస్ట్రేలియ‌న్ డాల‌ర్ల‌ను (రూ. 4.53 ల‌క్ష‌లు) డ్రైవ‌ర్ చ‌ర‌ణ్జిత్ సింగ్ అత్వాల్ తిరిగి ఇచ్చేశాడు.

మెల్‌బోర్న్ : ఆస్ట్రేలియాలో ఓ సిక్కు ట్యాక్సీ డ్రైవ‌ర్ (Sikh Taxi Driver) నిజాయితీపై ప‌లువురు ప్ర‌శంస‌లు గుప్పించారు. త‌న ట్యాక్సీ వెనుక సీటులో ఓ ప్ర‌యాణీకుడు వ‌దిలివేసిన 8000 ఆస్ట్రేలియ‌న్ డాల‌ర్ల‌ను (రూ. 4.53 ల‌క్ష‌లు) డ్రైవ‌ర్ చ‌ర‌ణ్జిత్ సింగ్ అత్వాల్ తిరిగి ఇచ్చేశాడు. త‌న కారులో ప్ర‌యాణీకులు ఏమైనా విలువైన వ‌స్తువుల‌ను వదిలివేశారా అని తాను త‌ర‌చూ త‌నిఖీ చేస్తుంటాన‌ని 9 న్యూస్ మెల్‌బోర్న్‌తో మాట్లాడుతూ అత్వాల్ చెప్పుకొచ్చారు.

తాను ఇటీవ‌ల త‌న కారు బ్యాక్ సీటులో 8000 డాల‌ర్ల‌ను చూశాన‌ని వెంట‌నే డ‌బ్బును పోలీసుల‌కు అంద‌చేశాన‌ని తెలిపారు. ఆ డ‌బ్బును త‌న వ‌ద్ద దాచుకోవాల‌నే ఆలోచ‌న త‌న మ‌న‌సులో ఎన్న‌డూ మెద‌లేద‌ని అన్నారు. డ‌బ్బును తిరిగి అంద‌చేయ‌డంతో య‌జ‌మాని నుంచి రివార్డ్ ఏమైనా ల‌భించిందా అని ప్ర‌శ్నించ‌గా త‌న‌కు రివార్డ్ అవ‌స‌రం లేద‌ని అత్వాల్ చెప్పుకొచ్చారు.

అత్వాల్ మూడున్న‌ర ద‌శాబ్ధాలుగా మెల్‌బోర్న్‌లో ట్యాక్సీ డ్రైవ‌ర్‌గా ప‌నిచేస్తున్నారు. అత్వాల్ ఉదంతం సోష‌ల్ మీడియాలో వైర‌ల్ కావ‌డంతో నెటిజ‌న్లు అతడి నిజాయితీ, కృత‌జ్ఞ‌తా భావం ప‌ట్ల ప్ర‌శంస‌లు గుప్పించారు. ఇత‌రులు కూడా మంచిప‌నులు చేయాల‌ని ఇలాంటి సానుకూల స్టోరీలు స్ఫూర్తి నింపుతాయ‌ని ఓ యూజ‌ర్ కామెంట్ చేయ‌గా, అత‌డి మంచిత‌నం, నిజాయితీ అత‌డికి ప‌ది రెట్ల మంచి చేస్తుంద‌ని మ‌రో యూజ‌ర్ రాసుకొచ్చారు.

Read More :

Kajal Aggarwal | బార్బీ డాళ్‌గా మారిపోయిన కాజల్‌ అగర్వాల్‌.. ట్రెండింగ్‌లో స్టిల్స్‌