Pak Army Chief | జర్మనీలో పాక్‌ ఆర్మీ చీఫ్‌కు అవమానం.. ఐడీ కార్డు లేదని అడ్డుకున్న భద్రతాధికారి

Pak Army Chief | పాకిస్థాన్ (Pakistan) ఆర్మీ చీఫ్ ఫీల్డ్ మార్షల్ అసిమ్ మునీర్‌ (Asim Munir) కు జర్మనీ (Germany) లో ఓ ఇబ్బందికర పరిస్థితి ఎదురైంది. మ్యూనిచ్‌ (Munich) లో జరుగుతున్న అంతర్జాతీయ భద్రతా సదస్సుకు హాజరైన ఆయనను ఓ సెక్యూరిటీ అధికారి (Security officer) అడ్డుకున్నారు.

Pak Army Chief : పాకిస్థాన్ (Pakistan) ఆర్మీ చీఫ్ ఫీల్డ్ మార్షల్ అసిమ్ మునీర్‌ (Asim Munir) కు జర్మనీ (Germany) లో ఓ ఇబ్బందికర పరిస్థితి ఎదురైంది. మ్యూనిచ్‌ (Munich) లో జరుగుతున్న అంతర్జాతీయ భద్రతా సదస్సుకు హాజరైన ఆయనను ఓ సెక్యూరిటీ అధికారి (Security officer) అడ్డుకున్నారు. ఆయన తన గుర్తింపు కార్డును సరిగా చూపించలేదని అభ్యంతరం తెలిపారు. ఈ ఘటనకు సంబంధించిన వీడియో సోషల్ మీడియాలో వైరల్‌గా మారింది.

మునీర్‌ సదస్సు ప్రాంగణంలోకి ప్రవేశించడానికి కొద్ది క్షణాల ముందు ఈ ఘటన జరిగింది. అసిమ్ మునీర్ మెడలో ఐడీ కార్డు లేకపోవడంతో సెక్యూరిటీ అధికారి ఆయనను ఆపారు. దాంతో మునీర్ పక్కనున్న మరో పాక్ సైనికాధికారి తన చేతిలో ఉన్న కార్డును చూపించడంతో.. సెక్యూరిటీ అధికారి వారిని లోపలికి వెళ్లేందుకు అనుమతించారు.

ఈ ఘటనకు సంబంధించిన వీడియో సోషల్ మీడియాలో విపరీతంగా చక్కర్లు కొడుతోంది. ఘటనపై పలువురు విమర్శకులు వ్యంగ్యాస్త్రాలు సంధిస్తూ.. అంతర్జాతీయ వేదికలపై ఆయనకున్న గౌరవం ఇదేనంటూ వ్యాఖ్యానిస్తున్నారు. మరోవైపు అసిమ్ మునీర్‌ను ఇలాంటి సదస్సులకు ఆహ్వానించడం ఏంటంటూ పలువురు నేతలు విమర్శలు చేస్తున్నారు.

#Pakistan‘s Army Chief Field Marshal Syed Asim Munir attends the Munich Security Conference 2026. pic.twitter.com/1mmCvWSGba

— The Timeline ( Timeless Tales) (@DTimeLine01) February 15, 2026