Citibank Shooting: అమెరికా సిటీబ్యాంక్ క్యాంప‌స్‌లో కాల్పులు.. ఇద్ద‌రు మృతి.. వీడియో

Citibank Shooting: ఫ్లోరిడా రాష్ట్రంలోని సిటీబ్యాంక్ ఆఫీసు క్యాంప‌స్‌లో కాల్పులు ఘ‌ట‌న జ‌రిగింది. ఓ ఆగంత‌కుడు త‌న కారుతో క్యాంప‌స్‌లోకి దూసుకువ‌చ్చి గ‌న్‌తో ఫైరింగ్ చేశాడు. ఆ కాల్పుల్లో ఓ మ‌హిళ మృతిచెంద‌గా, ఆ షూట‌ర్‌ను సెక్యూర్టీ గార్డు కాల్చాడు.

ఫ్లోరిడా: అమెరికాలోని ఫ్లోరిడా రాష్ట్రంలో ఉన్న సిటీబ్యాంక్ ఆఫీసు క్యాంప‌స్‌లో కాల్పులు(Citibank Shooting) ఘ‌ట‌న జ‌రిగింది. ఓ ఆగంత‌కుడు త‌న కారుతో క్యాంప‌స్‌లోకి దూసుకువ‌చ్చాడు. టంపా స‌మీపంలో ఉన్న బ్రాండ‌న్ సిటీబ్యాంక్ స ఎంట‌ర్‌లో ఈ ఘ‌ట‌న జ‌రిగింది. లంచ్ స‌మ‌యంలో దూసుకువ‌చ్చిన అత‌ను కారులో నుంచి ఏఆర్ స్ట‌యిల్ భారీ రైఫిల్‌ను తీసి కాల్పులు జ‌రిపాడు. ఆ కాల్పుల్లో ఓ మ‌హిళా ఉద్యోగి మృతిచెందింది. ఇక ఆ సాయుధుడిని అక్క‌డ ప‌నిచేస్తున్న సెక్యూర్టీ గార్డు కాల్చేశాడు. మ‌హిళ‌తో పాటు షూట‌ర్ మృతిచెంద‌గా, మ‌రో న‌లుగురు వ్య‌క్తులు గాయ‌ప‌డ్డారు.

ఈ ఘ‌ట‌న త‌ర్వాత వంద‌ల సంఖ్యలో పోలీసులు సిటీబ్యాంక్ సెంట‌ర్‌కు చేరుకున్నారు. కాల్పులు జ‌రిగిన స‌మ‌యంలో బ్యాంకులో సుమారు 3200 మంది ప‌నిచేస్తున్న‌ట్లు తెలిసింది. సెక్యూర్టీ ఫెన్సింగ్‌ను కారుతో ఢీకొట్టి.. ఔట్‌డోర్ డైనింగ్ ప్రాంతానికి దుండ‌గుడు దూసుకువ‌చ్చాడు. ఉద్యోగులు లంచ్ చేస్తున్న ప్రాంతంలో బీభ‌త్సం సృష్టించాడు. గ‌న్‌తో డైనింగ్ ఏరియాలో తిరుగుతున్న సాయుధుడి వీడియో వైర‌ల్ అవుతోంది.

అయితే బిల్డింగ్ కేఫ‌టేరియాలోకి ప్ర‌వేశించిన షూట‌ర్‌ను సిటీబ్యాంక్ సెక్యూర్టీ గార్డు కాల్చాడు. ఇద్ద‌రి మ‌ధ్య గ‌న్‌ఫైర్ జ‌రిగింది. గార్డు కాల్పుల‌కు షూట‌ర్ కింద‌ప‌డిపోయాడు. అత‌న్ని టంపా ఆస్ప‌త్రికి త‌ర‌లించారు. కానీ అత‌ను మృతిచెందిన‌ట్లు డాక్ట‌ర్లు తేల్చారు.

#BREAKING UPDATE – Active shooter armed with rifle seen exiting rammed vehicle at CitiBank Center in Tampa, Florida. Suspect is deceased. https://t.co/0NQXKkczJ9

— Fast News Network (@fastnewsnet) November 4, 2026