Ramayana | ‘రామాయణ’ ట్విట్ట‌ర్ రివ్యూ.. రణ్‌బీర్ నటనకు ప్రశంసలు, రావణుడిగా యష్ విశ్వరూపం!

Ramayana | భారతీయ సినీ చరిత్రలోనే అత్యంత ప్రతిష్టాత్మక చిత్రాల్లో ఒకటిగా రూపొందిన ‘రామాయణ’ ప్రేక్షకుల ముందుకు వచ్చింది. బాలీవుడ్ స్టార్ రణ్‌బీర్ కపూర్, సాయిపల్లవి, కన్నడ రాకింగ్ స్టార్ యష్ ప్రధాన పాత్రల్లో నటించిన ఈ పౌరాణిక చిత్రానికి నితీష్ తివారీ దర్శకత్వం వహించారు. వాల్మీకి రామాయణాన్ని ఆధునిక సాంకేతికతతో వెండితెరపై ఆవిష్కరించిన ఈ చిత్రాన్ని భారీ బడ్జెట్‌తో అంతర్జాతీయ స్థాయిలో నిర్మించారు.

Ramayana | భారతీయ సినీ చరిత్రలోనే అత్యంత ప్రతిష్టాత్మక చిత్రాల్లో ఒకటిగా రూపొందిన ‘రామాయణ’ ప్రేక్షకుల ముందుకు వచ్చింది. బాలీవుడ్ స్టార్ రణ్‌బీర్ కపూర్, సాయిపల్లవి, కన్నడ రాకింగ్ స్టార్ యష్ ప్రధాన పాత్రల్లో నటించిన ఈ పౌరాణిక చిత్రానికి నితీష్ తివారీ దర్శకత్వం వహించారు. వాల్మీకి రామాయణాన్ని ఆధునిక సాంకేతికతతో వెండితెరపై ఆవిష్కరించిన ఈ చిత్రాన్ని భారీ బడ్జెట్‌తో అంతర్జాతీయ స్థాయిలో నిర్మించారు. పలు భాషల్లో 3డీ రూపంలో తెరకెక్కిన ఈ సినిమాకు ఓవర్సీస్ ప్రీమియర్ల నుంచి మంచి స్పందన వస్తోంది. మరి ఈ విజువల్ వండర్ ప్రేక్షకులను ఎంతవరకు ఆకట్టుకుంది అనేది చూద్దాం?

చిన్నప్పటి నుంచి అందరికీ తెలిసిన రామాయణ కథను దర్శకుడు నితీష్ తివారీ తనదైన శైలిలో తెరకెక్కించారు. శ్రీధర్ రాఘవన్ అందించిన స్క్రీన్‌ప్లేకు ఆధునిక సాంకేతిక హంగులు జోడించి కొత్త అనుభూతిని అందించే ప్రయత్నం చేశారు. కొన్ని నాటకీయ సన్నివేశాల్లో కథనం నెమ్మదించినట్లు అనిపించినా, అద్భుతమైన దృశ్యాలు, నటీనటుల అభినయం సినిమాకు ప్రధాన ఆకర్షణగా నిలిచాయి. ముఖ్యంగా రావణుడి వ్యక్తిత్వం, అతడి అంతర్మథనం, పరాక్రమాన్ని తెరపై చూపించిన విధానం ప్రత్యేకంగా నిలుస్తోంది. శ్రీరాముడి పాత్రలో రణ్‌బీర్ కపూర్ ఆకట్టుకున్నారు. పాత్రకు అవసరమైన ప్రశాంతత, దివ్యత్వం, భావోద్వేగాలను తన నటనలో చక్కగా పలికించారు. సీతగా సాయిపల్లవి సహజమైన అభినయంతో ప్రేక్షకులను మెప్పించారు.

మ‌రోవైపు రావణుడిగా యష్ తనదైన స్క్రీన్ ప్రెజెన్స్‌తో సినిమాకు ప్రత్యేక ఆకర్షణగా నిలిచారు. ముఖ్యంగా రావణుడి పది గొంతులకు సంబంధించిన సన్నివేశంలో ఆయన నటన ఆకట్టుకుంటుంది. శూర్పణఖగా రకుల్ ప్రీత్ సింగ్ మంచి ప్రభావం చూపించారు. లక్ష్మణుడి పాత్ర కూడా కథకు బలాన్ని అందించింది. పంకజ్ కుమార్, మహేష్ లిమయే సినిమాటోగ్రఫీతో పాటు అంతర్జాతీయ ప్రమాణాలతో రూపొందించిన దృశ్య ప్రభావాలు, త్రీడీ ఎఫెక్ట్స్ సినిమాకు ప్రధాన బలంగా నిలిచాయి. ముఖ్యంగా ప్రీ క్లైమాక్స్‌లో వచ్చే జటాయువు-రావణుడి పోరాట ఘట్టం ప్రేక్షకులను కట్టిపడేస్తుంది. రాముడు రాక్షస మూకలను ఎదుర్కొనే సన్నివేశాలు ఉత్కంఠను పెంచుతాయి. రణ్‌బీర్, యష్ పాత్రల మధ్య వచ్చే సన్నివేశాలు కథకు మరింత బలాన్ని ఇచ్చాయి. చివర్లో హనుమంతుడి పాత్రకు ఇచ్చిన పరిచయం తదుపరి భాగంపై ఆసక్తిని పెంచేలా ఉంది.

రామాయణ కథ ప్రేక్షకులకు ముందే తెలిసినదే కావడంతో కొన్ని కుటుంబ, భావోద్వేగ సన్నివేశాలు ఊహించినట్లుగానే సాగుతాయి. దీంతో కొన్ని చోట్ల కథనం వేగం తగ్గినట్లు అనిపిస్తుంది. హ్యాన్స్ జిమ్మర్, ఏఆర్ రెహమాన్ అందించిన సంగీతం ఆకట్టుకున్నప్పటికీ, కొన్ని కీలక సన్నివేశాల్లో నేపథ్య సంగీతం మరింత బలంగా ఉండాల్సిందనే అభిప్రాయం వ్యక్తమవుతోంది. కొన్ని చోట్ల నెమ్మదించిన కథనం మినహా సాంకేతికంగా, నటన పరంగా ‘రామాయణ’ మంచి అనుభూతిని అందించే చిత్రంగా నిలుస్తోంది. రణ్‌బీర్ కపూర్ నటన, రావణుడిగా యష్ తెరపై చూపించిన ప్రభావం, సాయిపల్లవి అభినయం సినిమాకు ప్రధాన ఆకర్షణలు. ముఖ్యంగా భారీ యుద్ధ ఘట్టాలు, విజువల్ ఎఫెక్ట్స్‌ను పెద్ద తెరపై 3డీలో చూడటం ప్రత్యేక అనుభూతిని ఇస్తుంది. ఓవర్సీస్ ప్రీమియర్ స్పందన ప్రకారం, రామాయణ కథను మరోసారి వెండితెరపై అద్భుతమైన దృశ్యరూపంలో చూడాలనుకునే ప్రేక్షకులకు ఈ చిత్రం మంచి ఎంపికగా నిలుస్తోంది.