ఓ మహిళ ఈత కొట్టడానికి అని సముద్రంలోకి వెళ్లింది. వెళ్లడమే ఆలస్యం.. షార్క్ చేప పట్టేసింది. ఈమె కాలును షార్క్ చేప పట్టేసింది. కానీ ఆ మహిళ అత్యంత చాకచక్యంతో షార్క్ నుంచి తప్పించుకుంది. అమెరికా ఫ్లోరిడాలో ఈ ఘటన జరిగింది. హీదర్ వెస్ట్ (42) సముద్రంలోకి వెళ్లింది. సముద్రంలోకి వెళ్లడమే తరువాయి… ఆమె కాలును లెమన్ షార్క్ గట్టిగా పట్టేసింది. ఆమె కాలును షార్క్ పట్టేసింది. తప్పించుకోవడానికి ఆమె చాలా ప్రయత్నాలు చేసింది. ఈ విషయాన్ని ఆమే స్వయంగా వెల్లడించారు. షార్క్ నుంచి తప్పించుకోడానికి చేతులు, కాళ్లను గిలగిలా ఆడించడం ప్రారంభించారనని, షార్క్ తలపై విపరీతమైన ధైర్యంతో, బలంతో కొట్టడం ప్రారంభించినట్లు ఆమె తెలిపారు. తలపై కొట్టగా.. .కొట్టగా… చివరకు షార్క్ నుంచి బయటపడ్డానని ఆమె వెల్లడించారు.
నీటిలోకి వెళ్లినప్పుడు బాగానే ఉంది. కొద్ది సేపటి తర్వాతే అలజడి ప్రారంభమైంది. దీంతో ఏదో ఇబ్బంది వచ్చిందని నాకు అర్థమైపోయింది. ఒక్కసారిగా నా ఎడమ కాలు విపరీతమైన నొప్పి పుట్టడం ప్రారంభమైంది. షార్క్ చేప పట్టిందని అనుమానం వచ్చింది. వెనక్కి చూసే సరికి అదే నిజమైంది. వెంటనే తేరుకున్నాను. ధైర్యంతో తలపై బాదడం ప్రారంభించా. చేతితో ఆగకుండా కొట్టడం చేశా. ఎంత వీలైతే అంత బలంగా కొట్టడం ప్రారంభించా. దాదాపు 35 సెకన్ల తర్వాత షార్క్ చేప నన్ను వదిలేసింది. అని హీదర్ వెస్ట్ వెల్లడించారు.