కృత్రిమ గుడ్డుతో కోడిపిల్లల సృష్టి

డాలస్‌కు చెందిన డీఎక్స్‌టింక్షన్‌ సంస్థ కొలోసల్‌ బయోసైన్సెస్‌ కృత్రిమ గుడ్డు వ్యవస్థ ద్వారా 26 ఆరోగ్యవంతమైన కోడిపిల్లలను పొదిగించడంలో విజయం సాధించింది.

• 26 పిల్లలను పొదిగించిన డాలస్‌ సంస్థ

టెక్సాస్‌: డాలస్‌కు చెందిన డీఎక్స్‌టింక్షన్‌ సంస్థ కొలోసల్‌ బయోసైన్సెస్‌ కృత్రిమ గుడ్డు వ్యవస్థ ద్వారా 26 ఆరోగ్యవంతమైన కోడిపిల్లలను పొదిగించడంలో విజయం సాధించింది. దీని సిలికాన్‌ ఆధారిత పొర అసలు గుడ్డు పెంకులాగే పనిచేస్తుంది. ఇది ఆక్సిజన్‌ను లోపలికి రానిస్తూ, తేమను నిలిపి ఉంచుతుంది, బాక్టీరియాను అడ్డుకుంటుంది. డోడో, జెయింట్‌ మోవా వంటి అంతరించిన పక్షులను తిరిగి తీసుకురావాలనే వారి లక్ష్యం దిశగా ఇది చాలా పెద్ద విజయంగా భావించవచ్చు.

పిండానికి హాని కలిగించే లేదా అదనపు ఆక్సిజన్‌ అవసరమయ్యే పాత పద్ధతులతో పోలిస్తే ఈ డిజైన్‌ కోడిపిల్లలు పెరగడానికి సురక్షితమైన, సహజ వాతావరణాన్ని అందిస్తుంది. ఇందులో ఒక పారదర్శక కిటికీ ఉన్నది. దీని ద్వారా శాస్త్రవేత్తలు పిండాలకు ఎలాంటి అంతరాయం కలిగించకుండా వాటి ఎదుగుదలను గమనించవచ్చు. ఈ వ్యవస్థ చాలా అనుకూలమైనది. దీన్ని పెద్ద గుడ్ల కోసం పరిమాణం పెంచవచ్చు లేదా చిన్న గుడ్ల కోసం తగ్గించవచ్చు.