Sam Altman | ఓపెన్‌ ఏఐ సీఈవో శామ్‌ ఆల్ట్‌మన్‌ ఇంటిపై పెట్రోల్‌ బాంబు దాడి..!

Sam Altman | ఓపెన్‌ఏఐ సీఈవో (OpenAI CEO) శామ్‌ ఆల్ట్‌మన్‌ (Sam Altman) ఇంటిపై దాడి జరిగింది. శాన్‌ఫ్రాన్సిస్కోలోని ఆల్ట్‌మన్ ఇంటిపై గుర్తుతెలియని వ్యక్తి మొలటోవ్‌ కాక్‌టెయిల్‌ (Petrol Bomb) విసిరాడు. దాంతో ఇంటి గేటుకు మంటలు అంటుకున్నాయి. శుక్రవారం తెల్లవారుజామున 4:12 గంటల సమయంలో గుర్తుతెలియని ఓ వ్యక్తి శామ్‌ ఇంటిపై మండే పరికరాన్ని విసిరి పారిపోయాడు.

Sam Altman : ఓపెన్‌ఏఐ సీఈవో (OpenAI CEO) శామ్‌ ఆల్ట్‌మన్‌ (Sam Altman) ఇంటిపై దాడి జరిగింది. శాన్‌ఫ్రాన్సిస్కోలోని ఆల్ట్‌మన్ ఇంటిపై గుర్తుతెలియని వ్యక్తి మొలటోవ్‌ కాక్‌టెయిల్‌ (Petrol Bomb) విసిరాడు. దాంతో ఇంటి గేటుకు మంటలు అంటుకున్నాయి. శుక్రవారం తెల్లవారుజామున 4:12 గంటల సమయంలో గుర్తుతెలియని ఓ వ్యక్తి శామ్‌ ఇంటిపై మండే పరికరాన్ని విసిరి పారిపోయాడు. సమాచారం అందిన వెంటనే తమ బృందం ఘటనా స్థలికి చేరుకుందని పోలీసులు తెలిపారు.

దాడిలో ఎవరికీ ఎలాంటి గాయాలు కాలేదని పోలీసుల ధ్రువీకరించారు. అయితే ఘటన సమయంలో శామ్‌ ఇంట్లోనే ఉన్నారా లేదా.. అనే దానిపై స్పష్టత లేదు. ఈ దాడి వెనుకగల ఉద్దేశం ఏంటో కూడా తెలియరాలేదు. దీని తర్వాత ఓపెన్‌ ఏఐ ప్రధాన కార్యాలయానికి నిప్పు పెడతామని బెదిరింపులు కూడా వచ్చాయన్నారు. ఈ ఘటనకు సంబంధించి 20 ఏళ్ల యువకుడిని అనుమానితుడిగా భావించి అరెస్టు చేసినట్లు తెలిపారు. శామ్‌ ఇంటిపై దాడి, ప్రధాన కార్యాలయానికి వచ్చిన బెదిరింపులను సంస్థ ప్రతినిధి ఒకరు ధ్రువీకరించారు. దర్యాప్తులో పోలీసులకు సహకరించేందుకు సిద్ధంగా ఉన్నామని చెప్పారు.