Vladimir Putin: మే 19న చైనా వెళ్ల‌నున్న ర‌ష్యా అధ్య‌క్షుడు పుతిన్‌

Vladimir Putin: ర‌ష్యా అధ్య‌క్షుడు వ్లాదిమిర్ పుతిన్‌.. చైనాలో ప‌ర్య‌టించ‌నున్నారు. మే 19, 20వ తేదీల్లో ఆయ‌న ప‌ర్య‌ట‌న కొన‌సాగుతుంది. చైనా అధ్య‌క్షుడు జీ జిన్‌పింగ్‌తో ఆయ‌న భేటీ కానున్నారు.

మాస్కో: ర‌ష్యా అధ్య‌క్షుడు వ్లాదిమిర్ పుతిన్‌(Vladimir Putin).. చైనాలో ప‌ర్య‌టించ‌నున్నారు. మే 19, 20వ తేదీల్లో ఆయ‌న ప‌ర్య‌ట‌న కొన‌సాగుతుంది. చైనా అధ్య‌క్షుడు జీ జిన్‌పింగ్‌తో ఆయ‌న భేటీ కానున్నారు. అమెరికా అధ్య‌క్షుడు ట్రంప్ టూర్ చేసిన కొన్ని రోజుల తేడాలోనే ర‌ష్యా అధ్య‌క్షుడు చైనా ట్రిప్‌కు వెళ్తున్నారు. పుతిన్‌, జిన్‌పింగ్ ఇద్ద‌రూ ద్వైపాక్షిక సంబంధాల‌పై చ‌ర్చించ‌నున్నారు. అంత‌ర్జాతీయ‌, ప్రాంతీయ స‌మ‌స్య‌ల‌పై స్పందించ‌నున్నారు. సంయుక్త డిక్ల‌రేష‌న్‌పై ఇద్ద‌రు నేత‌లు సంత‌కం చేయ‌నున్నారు. ఇరాన్ సంక్షోభం నేప‌థ్యంలో ఇద్ద‌రు నేత‌ల భేటీ కీల‌కం కానున్న‌ది. ర‌ష్యా అధ్య‌క్షుడికి చైనా ఆహ్వానం పంపిన‌ట్లు క్రెమ్లిన్ త‌న ప్ర‌క‌ట‌న‌లో తెలిపింది. పుతిన్ త‌న ప‌ర్య‌ట‌న‌లో చైనా ప్ర‌ధాని లీ క్వియాంగ్‌ను కూడా క‌లుసుకుంటారు. వాణిజ్యం, ఆర్థిక సంబంధాల‌పై చ‌ర్చించుకోనున్నారు. గ‌త ఆగ‌స్టులోనే పుతిన్ చైనాలో విజిట్ చేశారు. బీజింగ్‌లో షాంఘై కార్పొరేష‌న్ ఆర్గ‌నైజేష‌న్ స‌మ్మిట్ జ‌రిగిన‌ప్పుడు పుతిన్ వెళ్లారు. ఈ ఏడాది పుతిన్ రెండు సార్లు చైనాలో ప‌ర్య‌టించ‌నున్నారు. న‌వంబ‌ర్‌లో షెన్‌జెన్‌లో జ‌రిగే ఏషియా ప‌సిఫిక్ ఎక‌నామిక్ కార్పొరేష‌న్ మీటింగ్‌కు హాజ‌రుకానున్నారు.