Visit:
Pope Francis | క్యాథ‌లిక్ క్రైస్తవ మ‌ఠాధిప‌తి పోప్ ఫ్రాన్సిస్ (Pope Francis) సోమ‌వారం క‌న్నుమూసిన విష‌యం తెలిసిందే. స్ట్రోక్‌తో పాటు హృద్రోగ సంబంధిత స‌మ‌స్య వ‌ల్ల పోప్ ఫ్రాన్సిస్ ప్రాణాలు విడిచిన‌ట్లు వాటికన్ (Vatican) డాక్టర్లు వెల్లడించారు. ఈ నేపథ్యంలో పోప్ ఫ్రాన్సిస్ అంత్యక్రియలు (funeral) శనివారం నిర్వహించనున్నట్లు వాటికన్ సిటీ తాజాగా ప్రకటించింది.
పోప్ ఫ్రాన్సిస్ అంత్యక్రియ‌ల అంశంపై చ‌ర్చించేందుకు ఇవాళ ఉదయం రోమ్‌లో కార్డినల్స్ భేటీ జరిగింది. రోమ్‌లో అందుబాటులో ఉన్న కార్డినల్స్ ఈ సమావేశానికి హాజరయ్యారు. ఇందులో పోప్ ఫ్రాన్సిస్ భౌతిక కాయానికి సెయింట్‌ పీటర్స్‌ బసిలికాకు ఎప్పుడు తరలించి ప్రజల సందర్శనార్థం ఉంచాలి, అంత్యక్రియలు ఎప్పుడు నిర్వహించాలి అనే విషయాలపై చర్చించారు. పోప్ ఫ్రాన్సిస్ భౌతిక కాయాన్ని బుధవారం సెయింట్‌ పీటర్స్‌ బసిలికాకు తరలించి ప్రజల సందర్శనార్థం ఉంచాలని నిర్ణయించారు. శనివారం ఉదయం 10 గంటలకు (ఇటలీ కాలమానం ప్రకారం) పోప్ ఫ్రాన్సిస్ అంత్యక్రియలు నిర్వహించాలని కార్డినల్స్ భేటీలో నిర్ణయం తీసుకున్నారు. ఈ నిర్ణయాన్ని వాటికన్ సిటీ తాజాగా ప్రకటించింది.
The body of the late Pope Francis will be transferred to St. Peter’s Basilica on Wednesday at 9:00 AM to lie in state until his funeral on Saturday morning at 10:00 AM.
The Holy See Press Office announced on Tuesday that Cardinal Giovanni Battista Re, Dean of the College of… pic.twitter.com/ObGjYl7Bi7
— Vatican News (@VaticanNews) April 22, 2025
పోప్ ఫ్రాన్సిస్ మరణానంతరం తొలి ఫొటోను కూడా వాటికన్ సిటీ విడుదల చేసింది. ఓపెన్‌ శవపేటికలో (open coffin) పోప్ ఫ్రాన్సిస్ పడుకుని ఉండగా.. వాటికన్ విదేశాంగ కార్యదర్శి ప్రార్థనలు చేస్తూ కనిపించారు. ప్రస్తుతం వాటిక‌న్‌లో తొమ్మిది రోజుల సంతాప దినాలు ప్రక‌టించారు. మరోవైపు పోప్ ఫ్రాన్సిస్ అంత్యక్రియ‌ల్లో పాల్గొన‌నున్నట్లు అమెరికా అధ్యక్షుడు డొనాల్ట్ ట్రంప్ తెలిపారు. రోమ్‌లో జ‌రిగే ఫ్యున‌ర‌ల్‌కు మెలానియాతో క‌లిసి వెళ్లనున్నట్లు ట్రంప్ చెప్పారు. ఈ మేరకు తన సొంత సోషల్‌ మీడియా ట్రూత్‌ ప్లాట్‌ఫామ్‌లో ఆయన ఈ విష‌యాన్ని ప్రక‌టించారు.
Cardinal Camerlengo Kevin Farrell presides over the rite of the ascertainment of death and the placement of the late Pope Francis’ body in the coffin, which took place on Monday evening in the chapel of the Casa Santa Marta. pic.twitter.com/63aPKTW9nD
— Vatican News (@VaticanNews) April 22, 2025
Also Read..
Pope Francis | మరణానంతరం పోప్ ఫ్రాన్సిస్ తొలి ఫొటో రిలీజ్‌ చేసిన వాటికన్
Pope Successor: పోప్ రేసులో ఉన్న టాప్-5 కార్డినల్స్ వీరే..
