SpaceX Rocket: చంద్రుడిపై కుప్ప‌కూలిన స్పేస్ఎక్స్ రాకెట్ శ‌క‌లం..

SpaceX Rocket: స్పేస్ఎక్స్ ఫాల్క‌న్ 9  రాకెట్(SpaceX Rocket) అవ‌శేషం ఒక‌టి ఇవాళ చంద్రుడిపై కుప్ప‌కూలింది. శాస్త్ర‌వేత్త‌లు ఇంకా ఈ ఘ‌ట‌న‌ను ద్రువీక‌రించ‌లేదు. కానీ ఈ ప్ర‌క్రియ పూర్తి అయిన ఉంటుంద‌ని అంచ‌నా వేస్తున్నారు. గంట‌కు 5400 మైళ్ల వేగంతో .. సుమారు 4వేల కేజీల బ‌రువున్న ఆ రాకెట్ శ‌క‌లం చంద్రుడిని ఢీకొని ఉంటుంద‌ని భావిస్తున్నారు.

టెక్సాస్‌: స్పేస్ఎక్స్ ఫాల్క‌న్ 9  రాకెట్(SpaceX Rocket) అవ‌శేషం ఒక‌టి ఇవాళ చంద్రుడిపై కుప్ప‌కూలింది. శాస్త్ర‌వేత్త‌లు ఇంకా ఈ ఘ‌ట‌న‌ను ద్రువీక‌రించ‌లేదు. కానీ ఈ ప్ర‌క్రియ పూర్తి అయిన ఉంటుంద‌ని అంచ‌నా వేస్తున్నారు. ఫాల్క‌న్ 9 రాకెట్‌కు చెందిన రీయూజ‌బుల్ భాగం ఒక‌టి చంద్రుడిపై కూలింది. జ‌న‌వ‌రి 2025లో ఆ రాకెట్‌ను ప్ర‌యోగించారు. అయిదు అంత‌స్తుల ఎత్తున్న సైజులో ఆ రాకెట్ శ‌క‌లం ఉంటుంద‌ని భావిస్తున్నారు. భూమిపై ఆ రాకెట్ ముక్క బ‌రువు సుమారు 4వేల కేజీలు ఉంటుంది.

ఐన్‌స్టీన్ క్రాట‌ర్ వ‌ద్ద స్పేస్ఎక్స్ శ‌క‌లం కూలి ఉంటుంద‌ని అంచ‌నా వేస్తున్నారు. రాకెట్ కుప్ప‌కూలండం వ‌ల్ల చంద్రుడిపై భారీ స్థాయిలో లోయ ఏర్ప‌డ‌నున్న‌ట్లు ఖ‌గోళ శాస్త్ర‌వేత్త‌లు అంచ‌నా వేశారు. చంద్రుడి నుంచి ఉద్భ‌వించే దూళి, తాక‌డి వ‌ల్ల ఏర్ప‌డిన అగాధానికి చెందిన ఫోటోల‌ను అమెరికా టెలిస్కోప్‌లు, నాసా లూనార్ రిక‌న్న‌యిసెన్స్ ఆర్బిటార్‌, ద‌క్షిణ కొరియాకు చెందిన ద‌నూరి ప్రోబ్ రిలీజ్ చేసే అవ‌కాశాలు ఉన్నాయి.

గంట‌కు సుమారు 5400 మైళ్ల వేగంతో ఆ స్పేస్ఎక్స్ రాకెట్ శ‌క‌లం ప్ర‌యాణించిన‌ట్లు తెలుస్తోంది. ఏడాది నుంచి ఆ రాకెట్ శ‌క‌లం రోద‌సీలో చ‌క్క‌ర్లు కొడుతోంది. చంద్రుడిపై రాకెట్ కుప్ప‌కూల‌డం వ‌ల్ల భూమికి ఎటువంటి ప్ర‌మాదం లేద‌ని శాస్త్ర‌వేత్తలు చెబుతున్నారు. రాకెట్ ఢీకొన‌డం వ‌ల్ల చంద్రుడిపై సుమారు 18 మీట‌ర్ల లోతు, 12 మీట‌ర్ల వెడ‌ల్పు ఉండే లోయ ఏర్ప‌డే అవ‌కాశాలు ఉన్న‌ట్లు అంచ‌నా వేస్తున్నారు.