Pakistan Army: పాకిస్థాన్‌లో ఆర్మీ శిక్ష‌ణ విమానం కూలి ఇద్ద‌రు పైల‌ట్లు మృతి

Pakistan Army: పాకిస్థాన్‌లో ఇద్ద‌రు ఆర్మీ పైల‌ట్లు మృతిచెందారు. శిక్ష‌ణ విమానంలో సాంకేతిక స‌మ‌స్య త‌లెత్త‌డంతో అది కూలింది. బ‌లోచిస్తాన్ రాజ‌ధాని క్వెట్టా ప్రాంతంలో ఈ ఘ‌ట‌న జ‌రిగిన‌ట్లు పాక్ ఆర్మీ చెప్పింది.

ఇస్లామాబాద్‌: పాకిస్థాన్‌లో ఇద్ద‌రు ఆర్మీ(Pakistan Army) పైల‌ట్లు మృతిచెందారు. శిక్ష‌ణ విమానంలో సాంకేతిక స‌మ‌స్య త‌లెత్త‌డంతో అదికూలింది. బ‌లోచిస్తాన్ రాజ‌ధాని క్వెట్టా ప్రాంతంలో ఈ ఘ‌ట‌న జ‌రిగిన‌ట్లు పాక్ ఆర్మీ చెప్పింది. పాకిస్థాన్ ఆర్మీ ఏవియేష‌న్‌కు చెందిన ముషాక్ శిక్ష‌ణ విమానం కూలిన‌ట్లు అధికారులు చెప్పారు. పైల‌ట్లు మేజ‌ర్ హుస్నైన్ షెహ‌జాద్ హుమ‌యున్‌, ఇన్‌స్ట్ర‌క్ట‌ర్ కెప్టెన్ అబ్దుల్ స‌మ‌ద్ ఈ ప్ర‌మాదంలో ప్రాణాలు కోల్పోయిన‌ట్లు అధికారులు తెలిపారు. దేశాధ్య‌క్షుడు అసిఫ్ అలీ జ‌ర్దారి, ప్ర‌ధాని షెహ‌బాజ్ ష‌రీఫ్ ఈ ఘ‌ట‌న ప‌ట్ల దిగ్భ్రాంతి వ్య‌క్తం చేశారు. బాధిత కుటుంబాల‌కు ఆయ‌న సంతాపం తెలిపారు. జూన్ నెల‌లో పాకిస్థాన్ ఆర్మీ ఏవియేష‌న్‌కు చెందిన ఎంఐ-17 హెలికాప్ట‌ర్ .. ముజాఫ‌రాబాద్‌లో కూలిన ఘ‌ట‌న‌లో సిబ్బంది మొత్తం మృతిచెందిన విష‌యం తెలిసిందే.