Earthquake | ఐస్‌లాండ్ లో ఒక్కరోజే 1600 భూకంపాలు.. అగ్నిపర్వతం విస్ఫోటనం జరిగే అవకాశం

Earthquake | యూరప్ (Europe)లోని ఐస్‌లాండ్ (Iceland)ని వరుస భూకంపాలు (Earthquakes) వణికించాయి. రాజధాని రేక్‌జావిక్ ( Reykjavik) పరిసర ప్రాంతాల్లో నిన్న ఒక్క రోజే ఏకంగా 1600 సార్లు భూమి కంపించింది. ఈ విషయాన్ని ఆ దేశ వాతావరణ కార్యాలయం (country weather office) బుధవారం వెల్లడించింది.

Earthquake | యూరప్ (Europe)లోని ఐస్‌లాండ్ (Iceland)ని వరుస భూకంపాలు (Earthquakes) వణికించాయి. రాజధాని రేక్‌జావిక్ ( Reykjavik) పరిసర ప్రాంతాల్లో నిన్న ఒక్క రోజే ఏకంగా 1600 సార్లు భూమి కంపించింది. ఈ విషయాన్ని ఆ దేశ వాతావరణ కార్యాలయం (country weather office) బుధవారం వెల్లడించింది. అగ్నిపర్వతం విస్ఫోటనం జరిగే అవకాశం ఉందని హెచ్చరించింది.

స్థానిక కాలమానం ప్రకారం మంగళవారం సాయంత్రం అగ్నిపర్వత వ్యవస్థపై ఉన్న మౌంట్ ఫాగ్రాడల్స్‌ఫ్జాల్ (Mount Fagradalsfjall) కింద భూ ప్రకంపనలు ప్రారంభమైనట్లు అక్కడి వాతావరణ కేంద్రం తెలిపింది. మొత్తం 1600 సార్లు భూమి కంపించగా.. అందులో నాలుగు ప్రకంపనలు 4 కన్నా ఎక్కువ తీవ్రతతో సంభవించినట్లు వెల్లడించింది.

కాగా, ఐస్‌లాండ్ దేశంలో నైరుతి కొనలో ఉన్న రేక్‌జానెస్ ద్వీపకల్పంలో గత రెండేళ్లలో రెండు విస్ఫోటనాలు సంభవించినట్లు పేర్కొంది. మొత్తం యూరప్ లోనే ఐస్‌లాండ్ దేశంలో అత్యంత చురుకైన అగ్ని పర్వతం ఉంది. ఉత్తర అట్లాంటిక్ ద్వీపం ఆర్కిటిక్ సర్కిల్ కు సరిహద్దుల్లో ఉంటుంది. ఇది యూరేషియన్, ఉత్తర అమెరికా టెక్టానిక్ ప్లేట్ వేరు చేసే ప్రాంతంలో ఈ అగ్నిపర్వతం ఉంది. ఇక్కడ 2021, 2022లో జరిగిన అగ్ని పర్వతం విస్ఫోటనాల్లో బయటకు వచ్చిన లావా (Lava) దాదాపుగా ఫాగ్రాడల్స్‌ఫ్జాల్ పర్వతం వరకు వ్యాపించింది. ఇది రాజధాని రేక్‌జావిక్ నుండి 40 కిలోమీటర్ల దూరంలో ఉంది. అప్పట్లో దీన్ని చూసేందుకు వేలాది మంది సందర్శకులు ఆ ప్రాంతానికి తరలివచ్చారు.

Also Read..

Urinated | ఆదివాసీపై మూత్ర విసర్జన.. బాధితుడి కాళ్లు కడిగిన సీఎం చౌహాన్

Sachin Tendulkar | మనల్ని సన్నిహితంగా ఉంచే రెండు విషయాలు అవే.. అజిత్‌ అగార్కర్‌ తో లంచ్ మీట్ తర్వాత సచిన్ పోస్ట్

Elon Musk | మెటా థ్రెడ్స్ యాప్ పై మస్క్ స్పందన ఇదీ..