North Korea: ఎక్కువ సంఖ్య‌లో పిల్ల‌ల్ని క‌నండి.. ఉత్త‌ర కొరియా నేత కిమ్ పిలుపు

North Korea: ఎక్కువ మంది పిల్ల‌ల్ని క‌నాల‌ని ఉత్త‌ర కొరియా త‌ల్లుల‌కు దేశాధినేత కిమ్ పిలుపునిచ్చారు. ప‌డిపోతున్న జ‌న‌న రేటును ఆపాల‌న్నారు. బ‌ర్త్ రేట్ ప‌డిపోకుండా చూడాల‌ని, పిల్ల‌ల్ని స‌రైన రీతిలో పెంచాల‌న్నారు.

ప్యోంగ్యాంగ్‌: ఉత్త‌ర కొరియా(North Korea)లో జ‌న‌న రేటు ప‌డిపోతున్న‌ది. ఈ నేప‌థ్యంలో ఆ దేశ నేత కిమ్ జాంగ్ ఉన్ పిలుపునిచ్చారు. శిశు జ‌న‌న రేటు త‌రుగుద‌ల‌ను అడ్డుకోవాల‌న్నారు. ఇది ప్ర‌తి ఇంటి స‌మ‌స్య అని కిమ్ అన్నారు. ప్యోంగ్యాంగ్‌లో మ‌హిళ‌ల‌తో జ‌రిగిన ఓ కార్య‌క్ర‌మంలో మాట్లాడుతూ ఆయ‌న ఈ వ్యాఖ్య‌లు చేశారు. బ‌ర్త్ రేటు ప‌డిపోవ‌డాన్ని నిలువ‌రించాల‌ని, అలాగే పిల్ల‌ల‌ను స‌రైన రీతిలో పెంచాల‌ని, ఇవ‌న్నీ త‌ల్లుల బాధ్య‌త‌ల‌ను అని కిమ్ అన్నారు. యూఎన్ పాపులేష‌న్ ఫండ్ నివేదిక ప్ర‌కారం 2023లో ఉత్త‌ర కొరియాలో స‌గ‌టు జ‌న‌న రేటు 1.8గా ఉంది. అయితే ఇటీవ‌ల ద‌క్షిణ కొరియా జ‌న‌న రేటు కూడా దారుణంగా ప‌డిపోయింది. ఆ దేశంలో జ‌న‌న రేటు 0.78గా ఉంది. ఇక జ‌పాన్‌లో ఫెర్టిలిటీ రేటు 1.26గా ఉంది. ఉత్త‌ర కొరియాలో 2.5 కోట్ల జ‌నాభా ఉంది. ఇటీవ‌ల ఆ దేశంలో తీవ్ర ఆహార సంక్షోభం ఏర్ప‌డింది. 1990 త‌ర‌హాలో ఆ దేశం ఆక‌లితో అల్లాడిపోయింది. ఎక్కువ పిల్ల‌లు క‌నాల‌ని ఇటీవ‌ల రష్యా అధ్య‌క్షుడు పుతిన్ కూడా ప్ర‌క‌టించిన విష‌యం తెలిసిందే.