North Korea: బాలిస్టిక్ క్షిప‌ణుల‌ను ప‌రీక్షించిన ఉత్త‌ర కొరియా

North Korea: ఉత్త‌ర‌కొరియా ప‌లు బాలిస్టిక్ క్షిప‌ణుల‌ను ప‌రీక్షించింది. తూర్పు స‌ముద్ర జ‌లాల‌పై వైపు ఇవాళ క్షిప‌ణుల‌ను ప‌రీక్షించిన‌ట్లు ద‌క్షిణ కొరియా మిలిట‌రీ ఆరోపించింది. కొరియా దేశాల మ‌ధ్య ప్ర‌స్తుతం ఉద్రిక్త వాతావ‌ర‌ణం నెల‌కొన్న విష‌యం తెలిసిందే.

సియోల్‌: ఉత్త‌ర కొరియా(North Korea) త‌న ఆయుధ సంప‌ద‌ను పెంచుకుంటోంది. తాజాగా ప‌లు బాలిస్టిక్ క్షిప‌ణుల‌ను ఆ దేశం ప‌రీక్షించింది. తూర్పు స‌ముద్ర జ‌లాల‌పై వైపు ఇవాళ క్షిప‌ణుల‌ను ప‌రీక్షించిన‌ట్లు ద‌క్షిణ కొరియా మిలిట‌రీ ఆరోపించింది. కొరియా దేశాల మ‌ధ్య ప్ర‌స్తుతం ఉద్రిక్త వాతావ‌ర‌ణం నెల‌కొన్న విష‌యం తెలిసిందే. ద‌క్షిణ‌కొరియా సంయుక్త ద‌ళాల ప్ర‌తినిధి జాంగ్ డో యుంగ్ మాట్లాడుతూ ఉత్త‌ర కొరియా రాజ‌ధాని ప్యోంగ్యాంగ్ నుంచి ప‌లు ర‌కాల క్షిప‌ణుల‌ను ప‌రీక్షించిన‌ట్లు చెప్పారు. ప్ర‌ధాన విమానాశ్ర‌యాన్నే గ‌త కొన్నేళ్ల నుంచి కీల‌క లాంచింగ్ సైట్‌గా ఉత్త‌ర కొరియా వాడుకుంటోంది.

ఉత్త‌ర కొరియా ప‌రీక్షించిన ఓ క్షిప‌ణి సుమారు 900 కిలోమీట‌ర్ల దూరం ప్ర‌యాణించిన‌ట్లు జాంగ్ వెల్ల‌డించారు. అయితే ఎన్ని క్షిప‌ణుల‌ను డిటెక్ట్ చేశార‌న్న విష‌యాన్ని మాత్రం చెప్ప‌లేదు. జ‌పాన్ డిప్యూటీ ర‌క్ష‌ణ మంత్రి త‌కాశి కోయ‌రి మాట్లాడుతూ 17 నిమిషాల తేడాతో రెండు క్షిప‌ణుల‌ను డిటెక్ట్ చేసిన‌ట్లు చెప్పారు. ఎక‌నామిక్ జోన్ బ‌య‌టి ప్ర‌దేశంలో ఉన్న జ‌లాల్లో ఆ క్షిప‌ణులు ప‌డిన‌ట్లు తెలుస్తోంది.

తొలి క్షిప‌ణి సుమారు 220 కిలోమీట‌ర్ల దూరం ప్ర‌యాణించి, రెండో క్షిప‌ణి సుమారు 910 కిలోమీట‌ర్ల దూరం ప్ర‌యాణించిన‌ట్లు జ‌పాన్ అధికారి చెప్పారు. బ‌హుశా హైప‌ర్‌సోనిక్ ఆయుధాన్ని ప‌రీక్షించి ఉంటార‌ని ఆయ‌న అన్నారు. ఎయిర్‌క్రాఫ్ట్ కానీ నౌక‌ల‌కు కానీ ఎటువంటి ఇబ్బందికాలేద‌న్నారు. అణు సామ‌ర్థ్యం క‌లిగిన ఆయుధాల‌ను సిద్ధం చేసేందుకు ఉత్తర కొరియా చాన్నాళ్లుగా ప్ర‌య‌త్నిస్తున్న‌ది.