Lottery | లాటరీలో మిలియన్‌ డాలర్లు గెలుచుకున్న మహిళ.. పట్టరాని సంతోషంతో స్టేజ్‌పైనే పడిపోయి

Lottery | సాధారణంగా లాటరీ (Lottery)లో రూ.లక్షల్లో గెలుచుకుంటేనే అమ్మో.. అంతనా అంటుంటాం. అలాంటిది రూ.కోట్లు గెలుచుకుంటే..! పట్టరాని సంతోషంతో ఎగిరి గంతేస్తాం. అలాంటి అనుభవమే ఓ మహిళకు ఎదురైంది.

Lottery | సాధారణంగా లాటరీ (Lottery)లో రూ.లక్షల్లో గెలుచుకుంటేనే అమ్మో.. అంతనా అంటుంటాం. అలాంటిది రూ.కోట్లు గెలుచుకుంటే..! పట్టరాని సంతోషంతో ఎగిరి గంతేస్తాం. అలాంటి అనుభవమే ఓ మహిళకు ఎదురైంది. అయితే, ఆమె ఆనందం పట్టలేక స్టేజ్‌పైనే కుప్పకూలిపోయింది. ఈ ఘటన అమెరికాలోని నార్త్‌ కరోలినాలో చోటు చేసుకుంది.

నూతన సంవత్సరం సందర్భంగా మిలియన్‌ డాలర్లు (million dollars ) గెలుపొందే అవకాశం కోసం దేశవ్యాప్తంగా మొత్తం ఐదుగురిని పవర్‌బాల్‌ ప్లేయర్లను ఎంపిక చేశారు. అందులో నార్త్‌ కరోలినా (North Carolina) కు చెందిన పమేలా బ్రాడ్‌షా ( Pamela Bradshaw) ఒకరు. లాటరీ డ్రాలో భాగంగా బంతులన్నీ మిషిన్‌లో తిరిగాక ఓ బంతిని తీసి వదిలితే అది పమేలా నంబర్‌ అయిన ఒకటిని ప్రదర్శించింది. దీంతో నిర్వాహకులు ‘పమేలా యూ ఆర్‌ ఏ మిలియనీర్‌’ అంటూ స్టేజ్‌పై ప్రకటించారు.

ఈ ప్రకటనతో పమేలా ఆనందం తట్టుకోలేకపోయింది. స్టేజ్‌పైనే ఒక్కసారిగా పడిపోయింది. దీంతో నిర్వాహకులు ఆమెను పైకి లేపారు. ఆ తర్వాత కూడా ఆమె ‘ఓ మై గాడ్‌’ అంటూ తనను తాను నమ్మలేకపోయింది. లాటరీలో పెద్ద మొత్తంలో సొమ్ము గెలుచుకోవడం పట్ల సంతోషం వ్యక్తం చేసింది. ఈ లాటరీ ద్వారా సొంతం చేసుకున్న డబ్బుతో ఓ ఇంటిని కొనుగోలు చేయనున్నట్లు వెల్లడించింది. ఈ డబ్బుతోపాటు ఆమె మరో అవకాశాన్ని కూడా సొంతం చేసుకుంది. గతంలో ఎప్పుడూ న్యూయార్క్‌ సందర్శించని ఆమెకు స్టేట్‌ లాటరీ ద్వారా న్యూయార్క్‌ సందర్శించే వీఐపీ ట్రిన్‌ను కూడా సొంతం చేసుకుంది.

Also Read..

Truck Drivers | ట్రక్కు డ్రైవర్ల రాస్తారోకో.. పెట్రోల్‌ బంకుల వద్ద బారులు తీరిన జనం

Coronavirus | దేశంలో 4,565కి పెరిగిన క్రియాశీల కేసులు.. కొత్తగా 573 మందికి కొవిడ్‌ పాజిటివ్‌

Japan Earthquake | 30కి చేరిన జపాన్‌ భూకంపం మృతుల సంఖ్య.. ఇషికావా నగరంలోనే అత్యధికం