ఫ్రెంచ్ ర‌చ‌యిత్రికి సాహిత్యంలో నోబెల్

Annie Ernaux:ఫ్రెంచ్ ర‌చ‌యిత్రి అన్నీ ఎర్నాక్స్‌కు ఈ ఏడాది సాహిత్యంలో నోబెల్ ద‌క్కింది. జెండ‌ర్‌, లాంగ్వేజ్‌, క్లాస్‌కు సంబంధించిన అంశాల్లో ఉన్న విభేదాల‌పై చాలా స్ప‌ష్ట‌మైన రీతిలో ఎర్నాక్స్ అనేక ర‌చ‌న‌ల్లో త‌న అభిప్రాయాల‌

స్టాక్‌హోమ్‌: ఫ్రెంచ్ ర‌చ‌యిత్రి అన్నీ ఎర్నాక్స్‌కు ఈ ఏడాది సాహిత్యంలో నోబెల్ ద‌క్కింది. జెండ‌ర్‌, లాంగ్వేజ్‌, క్లాస్‌కు సంబంధించిన అంశాల్లో ఉన్న విభేదాల‌పై చాలా స్ప‌ష్ట‌మైన రీతిలో ఎర్నాక్స్ అనేక ర‌చ‌న‌ల్లో త‌న అభిప్రాయాల‌ను వ్య‌క్తం చేశారు. సుమారు 30కి పైగా సాహిత్య ర‌చ‌న‌లు చేశారామె. 1940లో ఆమె నార్మాండీలోని యెవ‌టోట్‌లో జ‌న్మించారు. చాలా సుదీర్ఘ కాలం నుంచి ఎర్నాక్స్ ర‌చ‌న‌లు చేస్తున్నారు.

BREAKING NEWS:
The 2022 #NobelPrize in Literature is awarded to the French author Annie Ernaux “for the courage and clinical acuity with which she uncovers the roots, estrangements and collective restraints of personal memory.” pic.twitter.com/D9yAvki1LL

— The Nobel Prize (@NobelPrize) October 6, 2022

ర‌చ‌న అంటే ఓ రాజ‌కీయ చ‌ర్య అని, సామాజిక అస‌మాన‌త‌ల‌పై దృష్టి పెట్ట‌డ‌మే అని ఆమె అన్నారు. స‌మాజ ర‌చ‌న‌ల‌పై భాష‌ను ఆమె ఓ క‌త్తిలా వాడుతున్న‌ట్లు నోబెల్ క‌మిటీ తెలిపింది. స‌మాజ రుగ్మ‌త‌ల‌ను రూపుమాపేందుకు ఆమె ఈ ఎత్తుగ‌డ‌తో ర‌చ‌న‌లు చేస్తున్న‌ట్లు క‌మిటీ అభిప్రాయ‌ప‌డింది.

ర‌చ‌న‌ల‌ను ఓ విముక్తి శ‌క్తిగా భావిస్తోంది అన్నీ ఎర్నాక్స్‌. ఆమె ఎక్క‌డా కాంప్ర‌మైజ్ కాద‌ని, చాలా స‌ర‌ళ‌మైన భాష‌లో ర‌చ‌న‌లు ఉంటాయ‌ని క‌మిటీ త‌న ప్ర‌క‌ట‌న‌లో పేర్కొన్న‌ది. ఎల్ ఆకుపేష‌న్ అన్న ర‌చ‌న‌లో రొమాంటిక్ ల‌వ్ గురించి ఆమె విశ్లేష‌ణ అద్భుతంగా ఉన్న‌ట్లు క‌మిటీ అభిప్రాయ‌ప‌డింది.