Maldives Prosecutor General: మాల్దీవుల ప్రాసిక్యూట‌ర్ జ‌న‌ర‌ల్‌పై క‌త్తితో దాడి

Maldives Prosecutor General : మాల్దీవులు ప్రాసిక్యూట‌ర్ జ‌న‌ర‌ల్ హుస్సేన్ ష‌మీమ్‌పై అటాక్ జ‌రిగింది. ఆయ‌న్ను క‌త్తితో కిరాత‌కంగా పొడిచారు. మాజీ దేశాధ్య‌క్షుడు ఇబ్ర‌హీం ఆయ‌న్ను ప్రాసిక్యూట‌ర్ జ‌న‌ర‌ల్‌గా నియ‌మించారు. అయితే ప్ర‌స్తుత అధ్య‌క్షుడు ముయిజూ చైనాకు అనుకూలంగా వ్య‌వ‌హ‌రిస్తున్న తీరు దేశంలో రాజ‌కీయ అనిశ్చితి దారితీస్తున్న‌ది.

మాలే: మాల్దీవుల్లో దారుణ ఘ‌ట‌న జ‌రిగింది. ఆ దేశ ప్రాసిక్యూట‌ర్ జ‌న‌ర‌ల్(Maldives Prosecutor General) హుస్సేన్ ష‌మీమ్‌పై హ‌త్యాయ‌త్నం జ‌రిగింది. క‌త్తితో అత‌న్ని కిరాతంగా పొడిచారు. మాజీ దేశాధ్య‌క్షుడు ఇబ్ర‌హీం మ‌హ‌మ్మ‌ద్ సోలి నేతృత్వంలోని ఎండీపీ పార్టీ హుస్సేన్‌ను నియ‌మించిన విష‌యం తెలిసిందే. ప్ర‌స్తుతం మాల్దీవుల్లో రాజ‌కీయ ప‌రిస్థితి ఆందోళ‌న‌క‌రంగా ఉన్న విష‌యం తెలిసిందే. ప్ర‌స్తుత అధ్య‌క్షుడు మ‌హ‌మ్మ‌ద్ ముయిజూ చైనాకు అనుకూలంగా ఉన్నారు. దీంతో విప‌క్ష ఎండీపీ పార్టీ ఆయ‌న్ను వ్య‌తిరేకిస్తున్న‌ది. ముయిజూపై అభిశంస‌న తీర్మానాన్ని ప్ర‌వేశ‌పెట్టాల‌ని ఆ పార్టీలో యోచిస్తున్న‌ది.