JD Vance | నాలుగో బిడ్డ‌కు జ‌న్మ‌నిచ్చిన జేడీ వాన్స్ స‌తీమ‌ణి.. ఏం పేరు పెట్టారంటే..!

JD Vance | అమెరికా ఉపాధ్యక్షుడు (US Vice President) జేడీ వాన్స్ (JD Vance) ఇవాళ త‌న కుటుంబానికి సంబంధించిన ఓ విష‌యంలో శుభవార్త పంచుకున్నారు. త‌న సతీమణి ఉషా వాన్స్‌ (Usha Vance) పండంటి మగబిడ్డకు జన్మనిచ్చినట్లు తెలిపారు. ఆ బిడ్డ‌కు అలెక్ నీల్ వాన్స్ (Alec Neel Vance) అని పేరు పెట్టిన‌ట్లు వెల్ల‌డించారు.

JD Vance : అమెరికా ఉపాధ్యక్షుడు (US Vice President) జేడీ వాన్స్ (JD Vance) ఇవాళ త‌న కుటుంబానికి సంబంధించిన ఓ విష‌యంలో శుభవార్త పంచుకున్నారు. త‌న సతీమణి ఉషా వాన్స్‌ (Usha Vance) పండంటి మగబిడ్డకు జన్మనిచ్చినట్లు తెలిపారు. ఆ బిడ్డ‌కు అలెక్ నీల్ వాన్స్ (Alec Neel Vance) అని పేరు పెట్టిన‌ట్లు వెల్ల‌డించారు. ఈ మేర‌కు ఆయ‌న సోష‌ల్ మీడియాలో ఒక ప్ర‌క‌ట‌న చేశారు. తల్లీబిడ్డ‌ ఇద్దరూ ఆరోగ్యంగా ఉన్నారని వాన్స్‌ తన ప్రకటనలో పేర్కొన్నారు. తమ ముగ్గురు పిల్లలు తమ్ముడిని చూసి ఎంతో సంతోషిస్తున్నారని తెలిపారు.

కాగా 2014లో ఉష, జేడీ వాన్స్​ వివాహం చేసుకున్నారు. వారికి ఇప్పటికే ఇద్దరు కుమారులు, ఒక కుమార్తె ఉన్నారు. పెద్ద కుమారుడు ఇవాన్‌కు తొమ్మిదేళ్లు, రెండో కుమారుడు వివేక్‌కు ఆరేళ్లు, కుమార్తె మిరాబెల్‌కు నాలుగేళ్లు. ఇప్పుడు నాలుగో సంతానానికి జన్మనిచ్చారు. ఉషా వాన్స్‌ తెలుగు మూలాలున్న వ్యక్తి. ఈ క్రమంలోనే తమ చిన్న కుమారుడి పేరులో ‘నీల్‌’ అనే ప‌దం చేర్చిన‌ట్లు తెలుస్తోంది.

కాగా అమెరికా చ‌రిత్ర‌లో గ‌డిచిన 156 ఏళ్ల‌లో ఏ ఉపాధ్య‌క్షుడు కూడా ప‌ద‌విలో ఉండ‌గా బిడ్డ‌ను క‌న‌లేదు. ఇప్పుడు సిట్టింగ్ వైస్ ప్రెసిడెంట్‌గా జేడీ వాన్స్ బిడ్డ‌ను క‌న్నారు. అంతకుముందు చివ‌రిసారిగా 1870 లో నాటి ఉపాధ్యక్షుడు కోల్​ఫాక్స్​ పదవిలో ఉండగా ఆయన భార్య ఎల్లెన్​ మగబిడ్డకు జన్మనిచ్చారు.