చైనా కమ్యూనిస్ట్‌ పార్టీలోకి జాకీచాన్‌!

బీజింగ్‌, జూలై 12: చైనా కమ్యూనిస్టు పార్టీ (సీపీసీ)లో సభ్యుడిగా చేరాలని ఉందంటూ హాలీవుడ్‌ యాక్షన్‌ హీరో జాకీచాన్‌ తన కోరికను బయటపెట్టారు. ఇటీవల చైనా సినీ రంగ ప్రముఖులతో ఓ సదస్సు నిర్వహించారు. సీపీసీ శతాబ్ది ఉత్సవాల సందర్భంగా ఆ పార్టీ అధినేత, చైనా అధ్యక్షుడు జిన్‌పింగ్‌ చేసిన ప్రసంగంపై సదస్సులో చర్చించారు. సీపీసీ చెప్పింది చేస్తుందంటూ సదస్సులో కొనియాడిన జాకీచాన్‌… ఆ పార్టీలో సభ్యుడిని కావాలని ఉందని తెలిపారు. హాంకాంగ్‌కు చెందిన జాకీచాన్‌ గతంలో అక్కడ ప్రజాస్వామ్య ఉద్యమకారులపై చైనా అణచివేత చర్యలను సమర్థించి విమర్శల పాలయ్యారు.