Israel Stirkes: లెబ‌నాన్‌, గాజాలోని హ‌మాస్ కేంద్రాల‌పై ఇజ్రాయిల్ వైమానిక దాడి

Israel Stirkes:లెబనాన్‌లో ఉన్న హ‌మాస్ సెంట‌ర్ల‌పై ఇజ్రాయిల్ అటాక్ చేసింది. పాల‌స్తీనా రాకెట్ల దాడి చేసిన నేప‌థ్యంలో ఇజ్రాయిల్ కౌంట‌ర్ ఇచ్చింది. లెబ‌నాన్ నుంచి హ‌మాస్ ఉగ్ర‌వాదుల కార్య‌క‌లాపాల‌ను సాగ‌నివ్వ‌బోమ‌ని ఇజ్రాయిల్ తెలిపింది.

గాజా: ఇజ్రాయిల్‌(Israel), పాల‌స్తీనా మ‌ధ్య మ‌ళ్లీ ఉద్రిక్త వాతావ‌ర‌ణం నెల‌కొన్న‌ది. శుక్ర‌వారం తెల్ల‌వారుజామున గాజా స్ట్రిప్‌పై ఇజ్రాయిల్ వైమానిక దాడులు(Ariel Strikes) చేసింది. హ‌మాస్ టెర్ర‌ర్ గ్రూపు(Hamas Terror Group)న‌కు చెందిన సైట్ల‌ను టార్గెట్ చేసింది. పాల‌స్తీనా, లెబ‌నాన్ నుంచి రాకెట్ల దాడి జ‌రిగిన నేప‌థ్యంలో కౌంట‌ర్‌గా ఇజ్రాయిల్ వైమానిక దాడుల‌కు దిగింది. ద‌క్షిణ లెబ‌నాన్‌లో ఉన్న‌ హ‌మాస్ టెర్ర‌రిస్టు కేంద్రాల‌పై ఇజ్రాయిల్ దాడి చేసింది. లెబ‌నాన్ నేల నుంచి హ‌మాస్ ఉగ్ర‌వాదుల కార్య‌క‌లాపాల‌ను సాగనివ్వ‌మ‌ని ఇజ్రాయిల్ డిఫెన్స్ ఫోర్సెస్ ప్ర‌క‌టించాయి.పాల‌స్తీనా చేసిన దాడిలో ఇద్ద‌రు మ‌ర‌ణించిన‌ట్లు ఇజ్రాయిల్ మెడిక్స్ తెలిపారు.