Visit:
టెహ్రాన్: శత్రు దేశాలకు చెందిన సుమారు 160కి పైగా డ్రోన్లను కూల్చివేసినట్లు ఇరాన్(Iran) కమాండర్ ప్రకటించారు. ఐఆర్ఎన్ఏ న్యూస్ ఏజెన్సీ దీనిపై ప్రకటన చేసింది. అమెరికా-ఇజ్రాయెల్ దళాలకు చెందిన అనేక అడ్వాన్స్డ్ ఫైటర్ విమానాలు, డజన్ల సంఖ్యలో క్రూయిజ్ మిస్సైళ్లను, 160కిపైగా డ్రోన్లను కూల్చివేసిన్లు బ్రిగేడియర్ జనరల్ అలీరెజా ఇల్హమీ తెలిపారు. శత్రు దేశాలకు చెందిన వాటిల్లో హెర్మిస్ డ్రోన్లు, లూకాస్ మానవరహిత విమానాలు కూడా ఉన్నట్లు ఇరాన్ ప్రకటించింది. ఇరానీ సైనికులు శత్రు దేశాలకు చెందిన యుద్ధ విమానాలు, డ్రోన్లను కూల్చేందుకు రెఢీ ఉన్నట్లు నేషనల్ ఎయిర్ డిఫెన్స్ ప్రధాన కార్యాలయ కమాండర్ వెల్లడించారు. ఫిఫ్త్ జనరేషన్ యుద్ధ విమానాలను కూల్చే సత్తా తమ వద్ద ఉందని, ఆధునిక స్వదేశీ పద్ధతుల్లో ఆయుధాలను నిర్మించినట్లు చెప్పారు.అత్యాధునిక పరికరాలతో వినూత్న రక్షణ వ్యవస్థలను రూపొందించామని, తమ వ్యూహాలతో శత్రువులు అయోమయంలోకి వెళ్లిపోయారని బ్రిగేడియర్ జనరల్ తెలిపారు.
