Visit:
US Fighter Jet : అగ్రరాజ్యం అమెరికా (USA) కు మరో ఎదురుదెబ్బ తగిలింది. ఆ దేశానికి చెందిన రెస్క్యూ విమానం C-130ని ఇరాన్ (Iran) బలగాలు కూల్చివేశాయి. ఈ విషయాన్ని ఆదివారం ఇరాన్ ప్రకటించింది. ఇటీవల F-15E ఫైటర్ జెట్ ఇరాన్ను కూల్చింది. ఈ ఘటన జెట్లోని ఒక పైలట్ సురక్షితంగా బయటపడగా, మరో పైలట్ గల్లంతయ్యాడు. ఈ క్రమంలో తాము రెండో పైలట్ను కూడా రక్షించామని అధ్యక్షుడు ట్రంప్ ప్రకటించారు. అయితే రెండో పైలట్ కోసం చేపట్టిన రెస్క్యూ ఆపరేషన్లో పాల్గొన్న అమెరికా విమానాన్ని తాము కూల్చివేశామని ఇరాన్ తెలిపింది.
తాము కూల్చిన యుద్ధ విమానం నుంచి గల్లంతైన పైలట్ కోసం గాలిస్తున్న అమెరికా రెస్క్యూ విమానాన్ని ఇస్ఫహాన్ దక్షిణ ప్రాంతంలో ఐఆర్జీసీ దళాలు ధ్వంసం చేశాయని ఇరాన్ మీడియా పేర్కొన్నది. ఆ ఎయిర్క్రాఫ్ట్ అమెరికా వైమానిక దళానికి చెందిన C-130గా చెబుతోంది. ఫరాజ్ రేంజర్స్ అనే పోలీసు కమాండో యూనిట్ ఈ విమానాన్ని కూల్చివేసినట్లు ఖతార్ మీడియా తెలిపింది. ఇతర యూఎస్ ఫైటర్జెట్లకు రీఫ్యూయలింగ్ చేసేందుకు C-130 వచ్చినట్లు పేర్కొన్నది.
అందులోని సిబ్బందికి సంబంధించి ఎలాంటి సమాచారాన్ని ఖతార్ మీడియా వెల్లడించలేదు. దీనిపై అమెరికా ఇంకా ఎలాంటి ప్రకటన చేయలేదు. ఇదిలావుండగా.. అమెరికాకు చెందిన యుద్ధ విమానం F-15E స్ట్రైక్ ఈగల్ను కూల్చివేసిన ఘటనలో ఒక పైలట్ గల్లంతయ్యారు. ఈ క్రమంలో అమెరికా సైన్యం రెస్క్యూ నిర్వహించి అతడిని రక్షించింది. పైలట్ కోసం తమ సైన్యం సాహసోపేతమైన ఆపరేషన్ చేసి విజయం సాధించిందని ట్రంప్ పేర్కొన్నారు. ఈ ఆపరేషన్ కోసం తాము డజన్ల కొద్దీ విమానాలను పంపామని చెప్పారు.
