Indian stabbed to death | న్యూజిలాండ్‌లో కత్తితో పొడిచి భారతీయుడి హత్య

Indian stabbed to death | న్యూజిలాండ్‌లో ఒక భారతీయుడు హత్యకు గురయ్యాడు. (Indian stabbed to death) డునెడిన్‌లోని హిల్లరీ స్ట్రీట్‌లో ఇంటి ముందు ఉన్న అతడ్ని ఒక వ్యక్తి కత్తితో పొడిచి చంపాడు. మృతుడ్ని 28 ఏళ్ల గుర్జిత్ సింగ్‌గా గుర్తించారు.

వెల్లింగ్టన్: న్యూజిలాండ్‌లో ఒక భారతీయుడు హత్యకు గురయ్యాడు. (Indian stabbed to death) డునెడిన్‌లోని హిల్లరీ స్ట్రీట్‌లో ఇంటి ముందు ఉన్న అతడ్ని ఒక వ్యక్తి కత్తితో పొడిచి చంపాడు. మృతుడ్ని 28 ఏళ్ల గుర్జిత్ సింగ్‌గా గుర్తించారు. టెలికాం కంపెనీ కోరస్‌లో టెక్నీషియన్‌గా పనిచేస్తున్నాడు. పంజాబ్‌లోని లూధియానాకు చెందిన గుర్జిత్‌ సింగ్‌ను న్యూజిలాండ్‌కు పంపేందుకు అతడి తండ్రి నిషాన్ సింగ్ తన గ్రామంలోని భూమిని అమ్మాడు. అయితే ఒక్కగానొక్క కుమారుడు ఆ దేశంలో హత్యకు గురైనట్లు తెలుసుకుని హతాశుడయ్యాడు. న్యూజిలాండ్‌కు చేరుకున్న తండ్రి, కుమారుడి మృతదేహాన్ని చూసి బోరున విలపించాడు. తమకు న్యాయం చేయాలని ఆ దేశ పోలీసులను కోరాడు.

కాగా, తన భార్య న్యూజిలాండ్‌కు రానుండటం పట్ల గుర్జిత్‌ సింగ్‌ ఎంతో ఉత్సాహంగా ఉన్నాడని అతడి స్నేహితులు తెలిపారు. భార్యను క్వీన్స్‌టౌన్ వంటి ప్రదేశాలకు తీసుకెళ్లాలని భావించిన అతడ్ని హత్య చేయడం పట్ల వారు ఆవేదన వ్యక్తం చేశారు. గుర్జిత్‌ తండ్రికి సహాయం చేసేందుకు నిధుల సేకరణ చేపట్టారు.

మరోవైపు గుర్జిత్ సింగ్‌ను హత్య చేసిన 33 ఏళ్ల అనుమానితుడ్ని న్యూజిలాండ్‌ పోలీసులు అరెస్ట్‌ చేశారు. ఎందుకు హత్య చేశాడు అన్నదానిపై వారు దర్యాప్తు చేస్తున్నారు. అయితే నిందితుడి వివరాలు వెల్లడించలేదు.