Moon Lander: మూన్ ల్యాండ‌ర్‌ను ప్ర‌యోగించిన ప్రైవేటు కంపెనీ

Moon Lander: చంద్రుడి మీద‌కు స్పేస్‌క్రాఫ్ట్ వెళ్తోంది. ఫాల్క‌న్ 9 రాకెట్ ద్వారా దాన్ని ప్ర‌యోగించారు. ప్రైవేటు కంపెనీకి చెందిన ఆ ల్యాండ‌ర్ ఈనెల 22వ తేదీన చంద్రుడి ద‌క్షిణ ద్రువంపై దిగ‌నున్న‌ది.

ఫ్లోరిడా: అమెరికాలోని హూస్ట‌న్‌కు చెందిన ఓ ప్రైవేటు కంపెనీ.. చంద్రుడి మీద‌కు ల్యాండర్‌(Moon Lander)ను పంపింది. ఫ్లోరిడాలోని కేప్ కెన‌వెర‌ల్ కేంద్రం నుంచి ఇవాళ ఫాల్క‌న్ 9 రాకెట్ ద్వారా చంద్రుడిపైకి స్పేస్‌క్రాఫ్ట్‌ను పంపారు. ఆ స్పేస్‌క్రాఫ్ట్‌కు ఒడిసిసెస్ పేరు పెట్టారు. ఫిబ్ర‌వ‌రి 22వ తేదీన ఆ ల్యాండ‌ర్ చంద్రుడి ద‌క్షిణ ద్రువంపై దిగే అవ‌కాశాలు ఉన్నాయి. ఒక‌వేళ అన్నీ స‌జావుగా సాగితే, తొలిసారి ఓ ప్రైవేటు కంపెనీ చంద్రుడి మీద‌కు ల్యాండ‌ర్ పంపిన ఘ‌న‌త సాధించిన‌ట్లు అవుతుంది.

అమెరికాకు చెందిన స్పేస్‌క్రాఫ్ట్ చండ్రుడిపైకి వెళ్ల‌డం 51 ఏళ్ల త‌ర్వాత తొలిసారి అవుతుంది. హూస్ట‌న్‌కు చెందిన ఇంట్యూటివ్ మెషీన్స్ కంపెనీ ఆ స్పేస్‌క్రాఫ్ట్‌ను త‌యారు చేసింది. నాసా ఆ కంపెనీకి కాంట్రాక్టు ఇచ్చింది. మొత్తం ఆరు ర‌కాల శాస్త్రీయ ప‌రిక‌రాల‌ను ఆ ల్యాండ‌ర్ తీసుకువెళ్తోంది. చంద్రుడి ఉప‌రిత‌లంతో పాటు రేడియో త‌రంగాల‌ను స్ట‌డీ చేసేందుకు ఆ ప‌రిక‌రాలు ఉప‌యోగ‌ప‌డ‌నున్నాయి.