Philippines Earthquake | ఫిలిప్పీన్స్‌లో భారీ భూకంపం

ఫిలిప్పీన్స్‌లో (Philippines) భారీ భూకంపం సంభవించింది. రిక్టరు స్కేలుపై భూకంపం తీవ్రత 6.1గా నమోదైనట్లు అమెరికా జియోలాజికల్‌ సర్వే (USGS) వెల్లడించింది. గురువారం అర్ధరాత్రి దాటిన తర్వాత స్థానిక కాలమానం ప్రకారం 2 గంటల ప్రాంతంలో భూమి కంపించినట్లు తెలిపింది.

Philippines Earthquake | వరుస భూకంపాలు (Earthquakes) ప్రపంచాన్ని గడగడ వణికిస్తున్నాయి. ఇటీవలే తుర్కియే, సిరియా సరిహద్దుల్లో సంభవించిన భారీ భూకంపం ఎంతటి విషాదాన్ని మిగిల్చిందో అందరికీ తెలిసిందే. ఈ ఘోర విపత్తులో రెండు దేశాల భూభాగాల్లో కలిపి ఇప్పటి వరకు 41వేల మందికి పైగా ప్రజలు మృతి చెందారు. ఇదిలా ఉండగా బుధవారం న్యూజిలాండ్‌లో భూకంపం సంభవించింది. రిక్టరు స్కేలుపై భూకంపం తీవ్రత 6.1గా నమోదైంది.

తాజాగా గురువారం ఫిలిప్పీన్స్‌లో (Philippines) భారీ భూకంపం సంభవించింది. రిక్టరు స్కేలుపై భూకంపం తీవ్రత 6.1గా నమోదైనట్లు అమెరికా జియోలాజికల్‌ సర్వే (USGS) వెల్లడించింది.  అర్ధరాత్రి దాటిన తర్వాత స్థానిక కాలమానం ప్రకారం 2 గంటల ప్రాంతంలో భూమి కంపించినట్లు తెలిపింది. మస్బేట్‌ (Masbate) ప్రావిన్స్‌లోని మియాగా (Miaga) గ్రామానికి 11 కిలోమీటర్ల దూరంలో భూకంపం కేంద్రాన్ని గుర్తించినట్లు యూఎస్‌జీఎస్‌ వెల్లడించింది.