Visit:
అబుదాబి: బార్లు, పబ్బుల్లో మందు తాగేవారు మద్యం గ్లాస్‌లలో ఐస్‌ క్యూబ్స్‌ వేసుకొని చిల్‌ అవుతుంటారు. అయితే, దుబాయ్‌లోని బార్లలో మందు తాగేవారు ఓ విభిన్న తరహా అనుభవాన్ని సొంతం చేసుకుంటున్నారు. ఇక్కడి ఎక్స్‌క్లూజివ్‌ బార్లలో మందులోకి లక్ష ఏండ్ల కిందటి హిమానీనదంలోని స్వచ్ఛమైన ఐస్‌ను వినియోగిస్తున్నారు.
గ్రీన్‌ల్యాండ్‌లోని ఓ కంపెనీ ఆర్కిటిక్‌ ప్రాంతంలో స్వచ్ఛమైన ఐస్‌ను సేకరించి దుబాయ్‌కి సరఫరా చేస్తున్నది. అయితే, హిమానీనదాలను బద్దలుకొట్టి ఐస్‌ను సేకరిస్తుండటం గ్లోబల్‌ వార్మింగ్‌కు దారితీస్తుందని పర్యావరణవేత్తలు సదరు కంపెనీపై మండిపడుతున్నారు. తాము సేకరించే ఐస్‌ హిమానీ నదానిది కాదని, గ్లేసియర్‌ నుంచి విడిపోయిన భాగం నుంచి ఐస్‌ సేకరిస్తున్నామని, ఇది పర్యావరణానికి ఎలాంటి హానీ చేయబోదని కంపెనీ వాదిస్తున్నది.
