మందుబాబుల కోసం డ్రైవర్‌ సేవలు

ఇండోర్‌లోని ఒక స్టార్టప్‌ వినూత్న సేవలు ప్రారంభించింది. మద్యం సేవించి ఇంటికి వెళ్లడానికి ఇబ్బంది పడే వారి కోసం డ్రైవర్‌ సేవలను అందుబాటులోకి తెచ్చింది. ఇందులో క్యాబ్‌కు బదులు డ్రైవర్‌ను వెబ్‌సైట్‌ లేదా మొబైల్‌ యాప్‌లో బుక్‌ చేసుకోవాల్సి ఉంటుంది.

• ఇండోర్‌ స్టార్టప్‌కు రాత్రిళ్లు గిరాకీ

ఇండోర్‌: ఇండోర్‌లోని ఒక స్టార్టప్‌ వినూత్న సేవలు ప్రారంభించింది. మద్యం సేవించి ఇంటికి వెళ్లడానికి ఇబ్బంది పడే వారి కోసం డ్రైవర్‌ సేవలను అందుబాటులోకి తెచ్చింది. ఇందులో క్యాబ్‌కు బదులు డ్రైవర్‌ను వెబ్‌సైట్‌ లేదా మొబైల్‌ యాప్‌లో బుక్‌ చేసుకోవాల్సి ఉంటుంది. నిర్దిష్ట ప్రాంతానికి డ్రైవర్‌ 30-40 నిమిషాల్లోపు చేరుకుంటారు. ఆ డ్రైవర్‌ తనను బుక్‌ చేసుకున్న వారి సొంత కారులో వారిని క్షేమంగా ఇంటి వద్ద దిగబెడతారు.

మద్యం సేవించి డ్రైవింగ్‌ చేయడం వల్ల చెల్లించాల్సి వచ్చే జరిమానాలను నిరోధించడానికి ఈ సేవలను అందుబాటులోకి తెచ్చా రు. మధ్యప్రదేశ్‌లో డ్రంక్‌ అండ్‌ డ్రైవ్‌లో దొరికితే రూ.10 వేల జరిమానా చెల్లించాలి. వాహనాన్ని తిరిగి పొందడం కోసం, కోర్టు ఖర్చుల కోసం మరికొంత సొమ్ము భరించాలి. ఈ నేపథ్యంలో గంటకు రూ.200, రెండు గంటలకు రూ. 300, నాలుగు గంటలకు రూ. 400 వసూలు చేసే ఈ డ్రైవర్‌ సేవలను రాత్రి వేళల్లో మందుబాబులు ఎక్కువగా వినియోగించుకుంటున్నారు.