Donald Trump: పాకిస్థాన్‌లో ప‌ర్య‌టించ‌నున్న అమెరికా అధ్య‌క్షుడు ట్రంప్

Donald Trump: అమెరికా అధ్య‌క్షుడు డోనాల్డ్ ట్రంప్‌.. పాకిస్థాన్‌లో ప‌ర్య‌టించ‌నున్నారు. సెప్టెంబ‌ర్‌లో ఆయ‌న పాక్‌ను విజిట్ చేసే అవ‌కాశాలు ఉన్నాయి.

ఇస్లామాబాద్: అమెరికా అధ్య‌క్షుడు డోనాల్డ్ ట్రంప్‌(Donald Trump).. పాకిస్థాన్‌లో ప‌ర్య‌టించ‌నున్నారు. సెప్టెంబ‌ర్‌లో ఆయ‌న పాక్‌ను విజిట్ చేసే అవ‌కాశాలు ఉన్నాయి. రెండు స్థానిక టీవీ ఛాన‌ళ్లు ఇవాళ ఈ విష‌యాన్ని ప్ర‌సారం చేశాయి. సుమారు రెండు ద‌శాబ్ధాల క్రితం అమెరికా అధ్యక్షుడు పాక్‌లో ప‌ర్య‌టించారు. 2006లో ఆనాటి అధ్య‌క్షుడు జార్జ్ బుష్ ఆ దేశాన్ని విజిట్ చేశారు. అయితే ట్రంప్ రాక‌పై త‌మ‌కు స‌మాచారం లేద‌ని పాకిస్థాన్ విదేశాంగ శాఖ ప్ర‌తినిధి వెల్ల‌డించారు.

పాకిస్థాన్‌లో ప‌ర్య‌ట‌న ముగించుకున్న త‌ర్వాత నేరుగా ఆయ‌న భార‌త్‌కు కూడా వెళ్తార‌ని ఆ ఛాన‌ళ్లు పేర్కొన్నాయి. అమెరికా, పాకిస్థాన్ మ‌ధ్య ఇటీవ‌ల బంధం బ‌లోపేత‌మైంది. పాకిస్థాన్ ఆర్మీ చీఫ్ ఫీల్డ్ మార్ష‌ల్ అసిమ్ మునీర్‌కు వైట్‌హౌజ్‌లో అసాధార‌ణ రీతిలో ట్రంప్ ఆతిథ్యం ఇచ్చిన విష‌యం తెలిసిందే.