Covid-19 | అమెరికాలోనే కొవిడ్‌ వైరస్‌ పుట్టిందట.. శ్వేతపత్రాన్ని విడుదల చేసిన చైనా

కొవిడ్‌-19 వైరస్‌ పుట్టుకపై అమెరికా-చైనా పరస్పర ఆరోపణలకు దిగుతున్నాయి. కొవిడ్‌-19 వైరస్‌ తొలుత అమెరికాలోనే ఉద్భవించిందని చైనా తాజాగా ఎదురుదాడికి దిగింది. ఈ అంశంపై చైనా బుధవారం ఒక శ్వేతపత్రాన్ని విడుదల చేసింది.

Covid-19 | బీజింగ్‌ : కొవిడ్‌-19 వైరస్‌ పుట్టుకపై అమెరికా-చైనా పరస్పర ఆరోపణలకు దిగుతున్నాయి. కొవిడ్‌-19 వైరస్‌ తొలుత అమెరికాలోనే ఉద్భవించిందని చైనా తాజాగా ఎదురుదాడికి దిగింది. ఈ అంశంపై చైనా బుధవారం ఒక శ్వేతపత్రాన్ని విడుదల చేసింది. వైరస్‌ పుట్టుక అమెరికాలోనే ఉందని, కానీ అమెరికా, అక్కడి ప్రభుత్వం సార్స్‌-కోవ్‌-2 మూలాల జాడపై సిగ్గు లేకుండా రాజకీయం చేస్తున్నాయని నివేదిక ఆరోపించింది.

దీనికంటే ముందు కొవిడ్‌-19 వైరస్‌ పుట్టుకపై అమెరికా ఏప్రిల్‌ 18న ఒక వెబ్‌సైట్‌ను తీసుకొచ్చింది. కొవిడ్‌ సంక్షోభం ప్రకృతి విపత్తుకాదు, మానవుడు సృష్టించినదని ఆ వెబ్‌సైట్‌లో పేర్కొన్నది. దీనిని ఖండిస్తూ చైనా తాజాగా శ్వేతపత్రం విడుదల చేసింది.