చైనా మెగా బ్రహ్మపుత్ర డ్యామ్‌ ప్రాజెక్టుతో ముప్పు

బ్రహ్మపుత్ర నదిపై చైనా తలపెట్టిన 168 బిలియన్‌ డాలర్ల భారీ జల విద్యుత్‌ ప్రాజెక్టు వల్ల భవిష్యత్తులో బ్రహ్మపుత్ర నదిలో నీటి ప్రవాహం గణనీయంగా పెరుగుతుందని, దీనివల్ల వరద ముప్పు కూడా అధికమవుతుందని చైనా పరిశోధకులు హెచ్చరిస్తున్నారు.

బీజింగ్‌ : బ్రహ్మపుత్ర నదిపై చైనా తలపెట్టిన 168 బిలియన్‌ డాలర్ల భారీ జల విద్యుత్‌ ప్రాజెక్టు వల్ల భవిష్యత్తులో బ్రహ్మపుత్ర నదిలో నీటి ప్రవాహం గణనీయంగా పెరుగుతుందని, దీనివల్ల వరద ముప్పు కూడా అధికమవుతుందని చైనా పరిశోధకులు హెచ్చరిస్తున్నారు. ఈ నేపథ్యలో టిబెట్‌ ప్రాంతంలో నిర్మిస్తున్న ఈ మెగా డ్యామ్‌ ప్రాజెక్ట్‌పై ఆందోళనలు వెల్లువెత్తుతున్నాయి. చైనీస్‌ అకాడమీ ఆఫ్‌ సైన్సెస్‌, యున్నాన్‌ విశ్వవిద్యాలయానికి చెందిన పరిశోధకులు టిబెటన్‌ పీఠభూమిలోని డాటాను ఉపయోగించి 1325 ఏడాది నుంచి 2026 వరకు నదీ ప్రవాహ చరిత్రను పరిశీలించారు.

వాతావరణంతో దీనిని అనుసంధానించడం ద్వారా భవిష్యత్తులో రాబోయే పరిస్థితుల్లో నది ప్రవాహం పెరగడంతోపాటు, అధిక ప్రవాహాలు, వరదలు సంభవించే అవకాశాలు ఉన్నట్లు వారు ఒక మోడల్‌ను అభివృద్ధి చేశారు. ఈ అంశానికి సంబంధించిన ఫలితాలు అక్టోబర్‌ 8న ‘చైనా సైన్స్‌ బులెటిన్‌’లో ప్రచురితమయ్యాయి.