WHO: చైనా చిన్నారుల్లో నుమోనియా కేసులు.. డ‌బ్ల్యూహెచ్‌వో ఏమ‌న్న‌దంటే

WHO: చైనా పిల్ల‌ల్లో శ్వాస‌కోశ వ్యాధులు పెరిగాయి. దీనిపై ప్ర‌పంచ ఆరోగ్య సంస్థ ఓ ప్ర‌క‌ట‌న చేసింది. పిల్ల‌ల్లో న‌మోదు అవుతున్న నుమోనియా కేసుల‌కు కొత్త త‌ర‌హా ప్యాథోజ‌న్‌తో కానీ, వైర‌స్‌తో కానీ లింకు లేద‌ని డ‌బ్ల్యూహెచ్‌వో ఓ మీడియా స‌మావేశంలో పేర్కొన్న‌ది.

బీజింగ్‌: చైనాలో ఇటీవ‌ల చిన్న పిల్ల‌ల్లో శ్వాస‌కోశ వ్యాధులు పెరిగాయి. ఆ దేశంలో ఉత్త‌ర దిక్కున ఈ కేసులు అధికంగా ఉన్నాయి. దీనిపై ప్ర‌పంచ ఆరోగ్య సంస్థ(WHO) ఓ ప్ర‌క‌ట‌న చేసింది. పిల్ల‌ల్లో న‌మోదు అవుతున్న నుమోనియా కేసుల‌కు కొత్త త‌ర‌హా ప్యాథోజ‌న్‌తో లింకు లేద‌ని చైనా వెల్ల‌డించిన‌ట్లు డ‌బ్ల్యూహెచ్‌వో ఓ మీడియా స‌మావేశంలో పేర్కొన్న‌ది. అక్టోబ‌ర్ నుంచి చైనా పిల్ల‌ల్లో శ్వాస‌కోశ వ్యాధులు న‌మోదు అవుతున్న‌ట్లు డేటా ప్ర‌కారం తెలుస్తోంద‌ని ప్ర‌పంచ ఆరోగ్య సంస్థ తెలిపింది. అయితే వ్యాధుల‌కు సంబంధించిన మ‌రింత డేటాను ఇవ్వాల‌ని చైనాను కోరిన‌ట్లు డ‌బ్ల్యూహెచ్‌వో పేర్కొన్న‌ది. బీజింగ్‌లో కానీ, లియానింగ్‌లో కానీ ఎటువంటి కొత్త ప్యాథోజెన్స్‌ను గుర్తించ లేద‌ని, అయితే పిల్లల్లో నుమోనియా కేసులు పెర‌గ‌డానికి సాధార‌ణ ప్యాథోజెన్లే కార‌ణ‌మ‌ని డ‌బ్ల్యూహెచ్‌వో చెప్పింది. శ్వాస‌కోశ కేసులు పెరిగినా, అదేమీ ఆస్ప‌త్రుల‌పై ప్ర‌భావం చూప‌డం లేద‌ని అధికారులు తెలిపారు.