(Guinness records) జెఫ్ బెజోస్ను అంతరిక్షంలోకి తీసుకెళ్లిన ‘బ్లూ ఆరిజిన్’ గిన్నిస్ ప్రపంచ రికార్డుల్లోకి ఎక్కింది. అంతేకాకుండా ఏకంగా నాలుగు రికార్డులను తన పేరిట రాసుకున్నది. అంతరిక్ష రేసులో ప్రయోజనం పొందేందుకు బ్లూ ఆరిజిన్ భద్రతా సమస్యలను విస్మరించిందనే వాదనల మధ్య.. ఈ రాకెట్ ప్రపంచ రికార్డులు నెలకొల్పింది.
మొదటి బృంద మిషన్ విజయవంతంగా ప్రారంభించి, ల్యాండింగ్ అయిన కొన్ని నెలల తర్వాత జెఫ్ బెజోస్కు చెందిన ‘బ్లూ ఆరిజన్’ గిన్నిస్ బుక్ ఆఫ్ రికార్డ్స్ లో తన పేరును నమోదు చేసుకున్నది. అంతరిక్షంలోకి బాస్ జెఫ్ బెజోస్ని తీసుకెళ్లిన ఈ విమానం నాలుగు ప్రపంచ రికార్డులను సృష్టించింది. ఈ అంతరిక్ష ప్రయాణం.. అభివృద్ధి చెందుతున్న స్పేస్ టూరిజం రంగాన్ని బలోపేతం చేసిందని చెప్పవచ్చు. కార్మెన్ లైన్ పైన (భూమికి 100 కి.మీ.) పైన అంతరిక్ష నౌకలో నలుగురు ప్రయాణికులు వెళ్లి భూమికి తిరిగి రావడానికి.. వారు 3 నిమిషాల పాటు ప్రయాణించారు.
అంతరిక్షంలోకి వెళ్లిన పెద్ద వయసు గల వ్యక్తి (వాలీ ఫంక్-82), అంతరిక్షానికి వెళ్లిన పిన్న వయస్కుడు (ఆలివర్ డేమన్-19), అంతరిక్షానికి వెళ్లిన మొదటి తోబుట్టువులు (జెఫ్ బెజోస్, మార్క్ బెజోస్), చెల్లింపు వినియోగదారులను తీసుకువెళ్లిన మొదటి సబార్బిటల్ అంతరిక్ష నౌక (న్యూ షెఫర్డ్).. వంటి నాలుగు ప్రపంచ రికార్డులను ఈ రాకెట్ సృష్టించింది. బ్లూ ఆరిజిన్ తన తదుపరి మిషన్ ప్రయాణం అక్టోబర్ 12 న జరుగనున్నట్లు ప్రకటించింది. ఇది భూమి మించి నలుగురు వ్యోమగాములను అంతరిక్షంలోకి తీసుకెళ్లి. తిరిగి తీసుకురానున్నది.
అభివృద్ధిలో అనుసంధానత పాత్ర కీలకం : వెంకయ్యనాయుడు
70 శాతం వయోజనులకు అందిన తొలి డోసు : మాండవీయ
ఉత్తరప్రదేశ్ ‘నయా జమ్ముకశ్మీర్’ : ఓమర్ అబ్దుల్లా
ఐక్యరాజ్య సమితిలో వాజపేయి హిందీ ప్రసంగం
ఊబకాయానికి ఇది మరో కారణం.. గుర్తించిన శాస్త్రవేత్తలు
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..