ట్రాఫిక్ రూల్స్ బ్రేక్ చేశాడని.. యువకుడిపై 60 సార్లు కాల్పులు జరిపిన పోలీసులు!

అగ్రరాజ్యం అమెరికాలో ఇప్పటికీ నల్లజాతి వారిపై విద్వేషాలు కొనసాగుతూనే ఉన్నాయి. తాజాగా ఒక నల్లజాతి యువకుడు కారులో వెళ్తూ ట్రాఫిక్ రూల్స్ బ్రేక్ చేశాడు. అతన్ని వెంబడించిన పోలీసులు.. ఆ యువకుడిపై 60 సార్లు కాల్పులు జరిపారని సమాచారం. పోలీసుల బాడీ క్యామ్ వీడియో చూసిన లాయర్ ఈ విషయాన్ని వెల్లడించారు. ఈ వీడియోను విడుదల చేస్తామని తెలిపారు.

దీనికి సంబంధించిన పోలీసు అధికారులు ప్రస్తుతం అడ్మినిస్ట్రేటివ్ లీవ్‌లో ఉన్నారని, ఈ ఘటనపై దర్యాప్తు జరుగుతోందని సదరు లాయర్ తెలిపారు. జేలాండ్ వాకర్ అనే 25 సంవత్సరాల నల్లజాతి యువకుడు ఒహాయోలో కారులో వెళ్తూ ట్రాఫిక్ రూల్స్ బ్రేక్ చేశాడు. అతన్ని వెంబడించిన పోలీసులు 60 సార్లు కాల్పులు జరపడంతో ఆ యువకుడు మరణించినట్లు లాయర్ వెల్లడించారు.