American Airlines: 3 నిమిషాల్లో 15,000 ఫీట్ల‌కు జారిన విమానం.. గ‌జ‌గ‌జ వ‌ణికిపోయిన ప్ర‌యాణికులు

American Airlines: 3 నిమిషాల్లోనే ఓ విమానం 15వేల అడుగుల కింద‌కు జారింది. నార్త్ క‌రోలినా నుంచి ఫ్లోరిడా వెళ్తున్న విమానంలో ఈ ఘ‌ట‌న జ‌రిగింది. అమెరికా ఎయిర్‌లైన్స్ దీనిపై ప్ర‌క‌ట‌న చేసింది. అక‌స్మాత్తుగా డ్రాప్ అయిన స‌మ‌యంలో ప్ర‌యాణికులు భ‌య‌ప‌డ్డారు. పీడ‌న స‌మ‌స్య వ‌ల్ల విమానాన్ని త‌క్కువ ఆల్టిట్యూడ్‌కు దించాల్సి వ‌చ్చింద‌న్నారు.

ఫ్లోరిడా: అమెరికా ఎయిర్‌లైన్స్‌(American Airlines)కు చోందిన ఓ విమానం ప్ర‌యాణికుల‌ను భ‌య‌భ్రాంతుల‌కు గురిచేసింది. ఆ విమానం కేవ‌లం మూడు నిమిషాల్లోనే సుమారు 15000 ఫీట్ల కింద‌కు జారింది. నార్త్ క‌రోలినాలోని చార్లెట్ నుంచి ఫ్లోరిడాలోని గ‌యినిస్‌విల్లేకు వెళ్తున్న ఫ్ల‌యిట్ 5916లో ఈ ఘ‌ట‌న జ‌రిగింది. విమానంలో పీడ‌న స‌మ‌స్య రావ‌డంతో.. ఆ విమానం ఒక్క‌సారిగా కుదేలైంది. దీంతో దాంట్లో ప్యాసింజెర్లు షాక్ అయ్యారు.

విమానం కింద‌కు జారిన స‌మ‌యంలో ఏదో కాలిన వాస‌న వ‌చ్చింది. భారీ శ‌బ్ధం కూడా వినిపించిన‌ట్లు ప్ర‌యాణికులు తెలిపారు. ఇక ఆ విమానంలో ఆక్సిజ‌న్ మాస్క్‌లు వేలాడాయి. ప‌రిస్థితి గంద‌ర‌గోళంగా త‌యారైంది. అయితే క్యాబిన్ సిబ్బంది చాక‌చ‌క్యంతో ప్ర‌యాణికులు ప్రాణాలు ద‌క్కించుకున్నారు. ఫ్ల‌యిట్ అవేర్ డేటా ప్ర‌కారం.. ఆ విమానం 11 నిమిషాల్లో 20 వేల ఫీట్ల కింద‌కు జారింది. 43 నిమిషాల పాటు జ‌ర్నీ చేసిన త‌ర్వాత కేవ‌లం ఆరు నిమిషాల్లోనే ఆ విమానం 18,600 ఫీట్ల కింద‌కు జారింది.