స్మార్ట్‌ ఫోన్‌కు చెక్‌పెట్టే ఏఐ పిన్‌!

స్మార్ట్‌ఫోన్‌కు ప్రత్యామ్నాయంగా వాడుకొనేలా ఓ బుల్లి గ్యాడ్జెట్‌ను అమెరికాకు చెందిన స్టార్టప్‌ హ్యుమానే ఆవిష్కరించింది. ఇది స్మార్ట్‌ఫోన్‌ తరహాలో అన్ని పనులూ చేసే సామర్థ్యాన్ని కలిగి ఉంటుంది.

న్యూయార్క్‌, నవంబర్‌ 16: స్మార్ట్‌ఫోన్‌కు ప్రత్యామ్నాయంగా వాడుకొనేలా ఓ బుల్లి గ్యాడ్జెట్‌ను అమెరికాకు చెందిన స్టార్టప్‌ హ్యుమానే ఆవిష్కరించింది. ఇది స్మార్ట్‌ఫోన్‌ తరహాలో అన్ని పనులూ చేసే సామర్థ్యాన్ని కలిగి ఉంటుంది. ఈ డివైజ్‌కు కంపెనీ ‘ఏఐ పిన్‌’గా నామకరణం చేసింది. ఇది ఎలాంటి స్క్రీన్‌లేని ధరించగలిగే పరికరం. చాలా చిన్నగా ఉండటంతో దీన్ని మన దుస్తులకు ఎక్కడైనా అతికించుకోవచ్చు. కెమెరా, మైక్రోఫోన్‌, యాక్సెలరోమీటర్‌, సెన్సార్లు ఉంటాయి. ఇది సెన్సార్లు, ఏఐ టెక్నాలజీ ఆధారంగా పనిచేస్తుంది. ఈ డివైజ్‌తో స్మార్ట్‌ఫోన్‌ తరహాలో కాల్స్‌, మెసేజెస్‌ చేసుకోవచ్చు. ఫొటోలు తీసుకోవచ్చు. వీడియోలను రికార్డు చేసుకోవచ్చు. ఇందులో ఉండే బిల్ట్‌ ఇన్‌ ప్రొజెక్టర్‌ సహాయంతో ఇందులోని సమాచారాన్ని చేతులపైనా లేదా గోడలపైనా ఎక్కడైనా డిస్‌ప్లే చేయొచ్చు. అలాగే, ఈ బుల్లి డివైజ్‌ సహాయంతో ఇతర ఎలక్ట్రానిక్‌ పరికరాలను మనం ఉన్నచోట నుంచే కంట్రోల్‌ కూడా చేయొచ్చు.