Cuba | క్యూబాలో నగదు సంక్షోభం.. బ్యాంకులు, ఏటీఎంల ముందు భారీ క్యూలు

ద్వీప దేశం క్యూబాలో నగదు సంక్షోభం ఏర్పడింది. రోజువారీ కార్యకలాపాలకు సైతం నగదు లభించకపోవడంతో ఆదివారం దేశంలోని పలు ప్రాంతాల్లో నగదు కోసం బ్యాంకులు, ఏటీఎంల ముందు పౌరులు బారులు తీరారు.

Cuba | హవానా, ఏప్రిల్‌ 28: ద్వీప దేశం క్యూబాలో నగదు సంక్షోభం ఏర్పడింది. రోజువారీ కార్యకలాపాలకు సైతం నగదు లభించకపోవడంతో ఆదివారం దేశంలోని పలు ప్రాంతాల్లో నగదు కోసం బ్యాంకులు, ఏటీఎంల ముందు పౌరులు బారులు తీరారు. కాగా, గత కొన్ని దశాబ్దాలుగా దేశంలో ఎన్నడూ ఇలాంటి పరిస్థితి ఏర్పడలేదని, దేశ ఆర్థిక సంక్షోభానికి ఈ పరిస్థితులు నిదర్శనమని పలువురు ఆర్థిక వేత్తలు వ్యాఖ్యానించారు.

ప్రభుత్వంలో పెరుగుతున్న ద్రవ్య లోటు ఈ పరిస్థితికి కారణమని క్యూబాకు చెందిన ప్రముఖ ఆర్థికవేత్త ఒమర్‌ ఎవర్ల్‌నీ పేరెజ్‌ పేర్కొన్నారు. 1,000 క్యూబన్‌ పెసోలు కన్నా ఎక్కువ డినామినేషన్‌ ఉన్న నోట్ల అలభ్యత కూడా దీనికి కారణమన్నారు. అధిక ద్రవ్యోల్బణం కారణంగా బ్యాంకులకు నగదు తిరిగి రావడం లేదని ఆయన చెప్పారు.