కరోనా దవాఖానలో అగ్నిప్రమాదం.. 10 మంది మృతి

కరోనా దవాఖాన | ఐరోపా దేశమైన ఉత్తర మెసిడోనియా ఘోర ప్రమాదం జరిగింది. బాల్కన్‌ కౌంటీలోని టెటోవో నగరంలో ఉన్న ఓ కరోనా దవాఖానలో మంటలు చెలరేగాయి. దీంతో పది మంది సజీవదహణమయ్యారు.

హైదరాబాద్‌: ఐరోపా దేశమైన ఉత్తర మెసిడోనియా ఘోర ప్రమాదం జరిగింది. బాల్కన్‌ కౌంటీలోని టెటోవో నగరంలో ఉన్న ఓ కరోనా దవాఖానలో మంటలు చెలరేగాయి. దీంతో పది మంది సజీవదహణమయ్యారు. పలువురు గాయపడ్డారు. కరోనా కేసులు భారీగా పెరగడంతో ఈ తాత్కాలిక దవాఖానను ఏర్పాటు చేశారు. ఈ ఘటనలో మృతుల సంఖ్య మరింత పెరిగే అవకాశం ఉందని, క్షతగాత్రులతో పాటు మరికొందరు రోగులను ఇతర దవాఖానలకు తరలించామని అధికారులు వెల్లడించారు.

కాగా, అగ్నిప్రమాదానికి సంబంధించి కారణాలు ఇంకా తెలియలేదన్నారు. అయితే, ఓ పేలుడు తర్వాత మంటలు సంభవించినట్లు ఆ దేశ ప్రధాని జొరాన్ జాయెవ్ ఫేస్‌బుక్ పోస్ట్‌లో వెల్లడించారు. ఆగస్టు నుంచి ఉత్తర మెసిడోనియాలో కరోనా కేసులు గణనీయంగా పెరుగుతున్నాయి. ప్రతిరోజు 30 మంది బాధితులు మరణిస్తున్నారు. దేశంలో ఇప్పటివరకు 6100 మంది మృతిచెందారు.